आखिर किन भनलौ, नमेटिने याद छोड्यौ 
पन्ना पन्ना पल्टाउँदा, नभेटिने याद छोड्यौ!!
निन्द्रा किन्न पाईएन, सपना बेच्ने शहरमा
सजिलै सङ्ग छातीमा,नलेखिने याद छोड्यौ !!
पिडा उल्झन् मन-मुटुमा, कसले बुझ्ने यहाँ
घाऊभए देखिन्थे कि, नदेखिने याद छोड्यौ !!
सम्झनामा तस्बिर अरे, सपनीका साथहरु
रेटुं भन्दा अचानोमा, नरेटिने याद छोड्यौ !!
खालिखाली क्यानभास, 'आफन्त'का नयन
जिन्दगीका रङ्गहरुमा, नफेटिने याद छोड्यौ !!
