गजल ------
मनको कुनोमा घाऊ छ, लेख्नेलाई के थाहा
आँखाका सुन्दरता मात्र, देख्नेलाई के थाहा !!
लुकाउँछे बादल, पुर्णिमा कि जूनलाई पनि
त्यही जुनेलीमा मेहंदी, सेक्नेलाई के थाहा !!
बिझाउंछ रे साउने हिलो, शहरकालाई खै
प्रत्येक पाईलामा काँडा, टेक्नेलाई के थाहा !!
भेटिन्छन् मायालु, लाल बत्तिहरु मुनी जहाँ
बान्नाको तगारो लगाई, छेक्नेलाई के थाहा !!
छोड्दे ए 'आफन्त',यी अक्षरमा दबै खोज्न
मनको कुनोमा घाऊ छ, लेख्नेलाई के थाहा !!
----
जिन्दगीमा प्रेम हुन्थ्यो भने, किन दुश्मन हुन्थे
जतिबाच्छ जिन्दगी सबै, ती सुन्दर जोवन हुन्थे
फूलका कालिनमा, फूलकै काँडा छर्किए पनि
चाहे रक्तश्राब किन नहोस्, मिठा यौवन हुन्थे
बेकारमा बन्धक बनायौ प्रेम, खुल्ला छाड्देउ
जहाँँ जाऔं प्रेम नै प्रेम, एक मन दोमन् हुन्थे
No comments:
Post a Comment