गैर बहर गजल

उनलाई छोएको बतासले छुँदा फुरुक्क हुन्छु
किन हो किन, उनी भने पछी हुरुक्क हुन्छु।। 

उमेरले नेटो काटेर, के भयो र ए! मित्र हो
कस्तो नशा अझै तस्बिर देख्दा जुरुक्क हुन्छु।।

न कहिल्यै नजर जुधे न मुस्कुराए ती ओठहरु
यो कस्तो अगाढ् प्रेम एकातर्फी धुरुक्क हुन्छु ।।

कैयौंचोटी बाटो छेकी प्रस्ताब राख्छु भन्दापनि
उनको आगमन सङ्गै, अन्तकतै लुरुक्क हुन्छु ।।
 
छाडेन साथी छाडेन, अझै जवानी उम्लनलाई
रती उन्मुक्तताको रापमा छिट्टै, भुलुक्क हुन्छु ।।