१,
अन्तत गुण्डाराज चलायो सरकारले
सहिदका सपना जलायो सरकारले
आँफैं बेच्छ किन्छ विभुषण पदकहरु
भुसका खेतिमात्र फलायो सरकारले
गरीबका टहरा जलायो सरकारले !!
२,
मिलाउने भन्दा धेरै फुटाउने भए
मिलेसम्म आफ्नलाई जुटाउने भए
खै कसरी चल्ला यसरी देश परिवेश
जेलका अपराधी ति छुटाउने भए
जनताको भरोशा नि टुटाउने भए !!
३,
हेर्नुस न काला त गए गोरा आए
आउन त आए नि तर कोरा आए
नेपाल आमाका त पक्कै होईनन् कि
खै कस्ताका कस्ताकस्ता छोरा आए
आमा भन्नुहुन्छ पूरानै मोरा आए !!
४,
न सम्सद चल्यो न पूर्ण सरकार चल्यो
दुनियाँ हसाउने केवल् अखबार चल्यो
सत्ता शक्ती सामर्थ्यका लागि मात्र रहेछन्
परिवर्तन् लागि भन्दै हिजो तरवार चल्यो
कुशासनमा लिप्त शिन्ह दरबार चल्यो !!
५,
कहर मात्र जङ्गलका स्याल शहर छिरेपछी
स्याललाई पनि सत्तामा जाने रहर छिरेपछी
कुकुर बिरालाको चिन्ह मात्र देख्नुभो नेताहरु
सम्सद भित्र ति बिसङ्गतीका लहर छिरेपछी
पानीको आषा नै छैन कुवामा बगर छिरेपछी !!
- श्रीभक्त पौडेल'आफन्त'
पाइसभास्को,स्पेन
६ आस्विन,२०७८, बुधबार
No comments:
Post a Comment