जिन्दगीको किताबबाट गाता लुटेको दिन थियो

झरीले चुट्यो मलाई छाता छुटेको दिन थियो 

भाग्यले कुट्यो मलाई नाता टुटेको दिन थियो 

हे दैव! दैव लागिस आङ्गनिमा चट्याङ्ग पारी 
जिन्दगीको किताबबाट गाता लुटेको दिन थियो 

ताजको बदलामा किन बदनामिका बिल्ला दिई 
दुनियाँबाट विश्वाशको एेना फुटेको दिन थियो

आन्धी बेहरी अन्धाधुन्ध बलेशीमा चुलेशी टेक्दा 
मकै सरी मुटु - कलेजी सारा भुटेको दिन थियो   

सम्हालिएन मन मेरो, आज बाँच्ने रहरहरु मरे   
आकाशले थिच्यो धर्ति तारा खसेको दिन थियो

खन्दैछु मेरो चिहान पुरे हुन्थ्यो कोही आई   
एक्लो आफ्नै मलामी आशा मरेको दिन थियो