''केवल घरको आङ्गनमा एउटा पानीको धारो'

सरकार नदी बेच्छ 

जनता प्यासमा छन् 
छि यो राजनीतिको  
अन्ध विश्वाशमा छन्!!

मर्न मार्न जनता उकास्छन् 
पानीकै फोहोराले दमन गर्छ
सरकार नै त पर्‍यो त्यो हाम्रो 
स्वच्छ पिउने पानीको कमी छैन भन्दै 
सुन्नु भो'नी शिन्ह दरबार झुटैझुटको बमन गर्छ,
प्यास मात्रै भेटिन्छन् मोफेसलका गाउँ बस्तिमा 
जहाँ सरकारका न पाईला पुग्छन् न नजर     
चुनाव अघि पुगेका थिए केही रङ्गिन झण्डाहरु 

खानेपानीका ग्यारेन्टी दस्तावेजहरु बोकेर 
अहिले न ति झन्डा पुग्छन् न झन्डा बोक्नेहरु
कैयौं तन्त्र फेरिए मन्त्र फेरिए 
तर फेरिएनन् प्याशका कथाहरु प्याशीका बेथाहरु 
हतियार उठाउन सिकाए जनतालाई 
युद्धका कला सिकाए निमुखाहरुलाई 
तर सिकाएनन् कुवा खन्न।। 
मिनरल वाटर'ले नुहाउँछ 
बालुवाटार र शितल निवास 
बुढानिलिकण्ठ र बालकोटका दरबार,
सुन्दर सुदुर काकाकुल बनेको छ       
कैयौ लेखिए कविताहरु पनि 
कैयौं गाईए क्रान्तिका गीतहरु पनि,
हो हुन पनि 
रगत बग्न एक रात काफी छ 
पानी बग्न जुग लाग्दो रहेछ,
नसोच्नुस्, यो अभियान 
मित्रको मात्र भनेर 
पार्देको मात्र भनेर। 
नारा पुरानै हो जनताको 
अभिलाषा पुरानै हो जनताको 
मात्र हजुरको मेरो एेकबध्यता चाहिएको छ 
हिजो सुनपुरमा पानी बग्यो 
भोलि सिङ्गो घोराही र तुल्शिपुरमा बग्छ 
पर्सी पुरै दाङ्ग उपत्याकामा बग्छ,
अनि सिङ्गो नेपालले पिउनेछ ।। 
आऔं हातेमालो गरौं 
होस्टेमा हैंसे थपौं,
पानी नै जीवन हो 
जीवन नै पानी हो, 
यो अकाट्य सत्य
यो नैशर्गिक अधिकार हो 
न हामी युद्ध चाहन्छौं 
न गोला र बारुद 
''केवल घरको आङ्गनमा एउटा पानीको धारो''
बस हाम्रो सपना यही हो।। 
  
   
-श्रीभक्त पौडेल'आफन्त' 
रामपुर चितवन 
हाल स्पेन