हाम्रा दुई आँखा जुधेर के भो, चार भएनएउटै शहरमा हुनुको नि कुनै, सार भएन !!
भूल्यो होला उसले'नि,सायद यहि सोच्यौ
पलपल रुँदै नसम्झिएको कुनै, बार भएन !!
लेखें कैयौं प्रेम-पत्र, जीवनका पन्नाहरुमा
पढ्न पाईनौ कहिल्यै, पठाउने तार भएन !!
ति तिखा तिम्रा हेराई, मिठो कोमल बोलि
अघोषित प्रेम- दिप बल्ने यहाँ, दार भएन !!
मझधार मात्र भेटें मैले, लहर पच्छ्याउँदा
हामी दुईलाई मिलाउने गोरेटो, धार भएन !!
No comments:
Post a Comment