ओठ मुस्कुराउंदा

निधारको टिकी तिम्रो, जूनेली झैं लाग्छ
खै रिसाएर बोले पनि, शुशेली झैं लाग्छ

के के हुन्छ हुन्छ मन, त्यो तस्बिर छुँदा
मुहार तिम्रो सुन होकी, उजेली झैं लाग्छ

सोह्र स्रिङ्गार'नि फिका, ओठ मुस्कुराउंदा
मोहकतामा ति नजरहरु, तरेली झैँ लाग्छ

शब्द छैन त्यो सौन्दर्यताको बयान कसोरी
मोहनी लगाउने पक्कै, परेली झैं लाग्छ !!

ईदको जून

ईदको जून

आजको त जून संगै, जाम प्यारो
त्यहि जून संगसंगै यो, साम प्यारो

तस्बिर हेरि मन बुझाए पनि साथि
उनको त आज'भोलि, नाम प्यारो

अँधेरोले ढाके जस्तो, दिनहरुमा
पोले पोलोस ए साथि, घाम प्यारो

रगत रगतमा, स्वदेशको याद छन्
चाहे 'ईद' किन नहोस, राम प्यारो

आउ न आउ

आउ न नजिक आउ!

आउन अझै सामिप्यमा आउ
हो म तिम्रो पर्खाइमा छु,
खुला छन् बाहुहरु
कि अङ्गाल मलाई
कि म अङ्गाल्छु तिमीलाई,
कसेर बांध मलाई
तृसित छु म
तिम्रो साथको,,
तिम्रो स्पर्स सहितका सामिप्यताको
आउ न आउ
मेरा सुन्दर सपनाहरु
सपनाका परिहरु मलाई पर्खिरहेका छन्,
खेलाउ मलाई,
भुलाउ मलाई
आउ न अझै नजिक आउ
सुम्सुम्याएर आफु सँगै
उडाउ मलाई
उड्न चाहन्छु
गूड्न चाहन्छु
यो दुनियाँ संसार भुल्न चाहन्छु,,,
आउ म तिम्रो प्रतिक्षमा छु,
बत्ती निभाएर बसेको छु,
उजेलिमा डाकेको छैन
अँधेरिमा आउ,,,,
लाज कत्ति मानेको छैन
सुटुक्क आउ
मेरो आँखामा बस
परेलीमा बस
कल्पनामा बस
सपना आउछिन तिमी सँगै
रातका प्रहरहरुमा आउ
छटपटिएको छु म
कोल्टो फेर्दै, थकित म
तिम्रो आगमनमा बत्ती निभाएको छु
झ्याल ढोका पर्दा सबै बन्द छन्
यहाँ केबल तिम्रो उपस्थिती
जायज छ!
म एक्लो छु, तिमी आउ
अनि हामी दुबै हराउँ ,,
,,,,,,,,,,,,,,,,,,,,,
०१:३५ बिहान
सोमबार २६ जुन,२०१७

दुधको दुध, पानीको पानी भन्थ्यौ

दुधको दुध, पानीको पानी भन्थ्यौ
केवल तिम्रै लागि, जवानी भन्थ्यौ !!

न दुध' न पानी, प्याशमा छु आज
मलाई राजा आफुँ चैं रानी भन्थ्यौ !!

नजरको बाटो हुँदै, दिलमा बसाएँ
रात मन नै पर्दैन, बिहानी भन्थ्यौ !!

आखिर किन अनेकौं सवाल मेरा
सुन न सुन मेरा, कहानी भन्थ्यौ !!

photo: carnaval 2017 donostia

काँचो मशान

------------- 

घाटे बैध्यहरुको जुलुश देखिन्छ

एका बिहानै केन्द्रिय मसान घाटमा

ढुङ्गाले थिचेर हुन्छ कि हिर्काएर हुन्छ

"इति श्री" गर्नु पर्ने ख्याकलाई

ब्युंताउंदै छन्,

बरीस्ठे काँचो मशानहरु।

दुममा दम नभएका भुस्या कुकुरुहरु

मुख आँ गरेर बसेका छन् वरीपरी,

हैजाले पनि लान नसकेको

ख्याकको कै जय!जयकार गर्दैछन्

डुमहरु, हरिया बांस उचाल्दै।

अर्को जुलुश देखिन्छ

छद्म-भेषि मुर्कुट्टाहरुको,

औशरबादी मुर्कुट्टाहरु

आँफैले जिउंदै गाढेका

चिहान खोतल्नमा माहिर छन्,

बायु र प्रेतात्माको पूजारीहरु

धोती र लूङ्गी स्याहार्दै आईपुग्छन्

आफ्नो भाग खोज्दै।

भुताहा चौरमा मेला लाग्छ

जिउंदा भूतहरुको

आरक्षण र भाग खोज्न,

तिखा दाराहरु खियाउंदै,

घाट घाट जस्तो लाग्दैन

रात रात जस्तो लाग्दैन

टायर जलेका छन्

भेटिन्नन् पूर्ण अस्तू !

कथा यो होइन

प्रसँग अर्कै छ,

चिन्ता छ कि

कतै अलिकती पवित्र रहेको

प्यारो आर्य घाट अपवित्र नपारुन्

कथित घाटे बैध्यहरुले,

 

- श्रीभक्त पौडेल आफन्त 

६ माघ २०७२, बुधवार 

स्पेन

मनहरु

समकालिन साहित्यमा प्रकाशित कबिता

कबिता

मनहरु

आस्थामा टिकेका मनहरु
अतालिन्छन् कहिले कतै
आस्थाका धरोहरहरु ढलेका देख्दा
र पनि सम्हालिन्छन्
तिनै मनहरु
कि विश्वाशका आधारहरु
अझै मजबुत छन् भनेर।

प्रकृतिका क्रुर खेलहरु सँग
केहीक्षण हार माने पनि
अदम्य शाहस सहित
मुस्कुराउँछन् घाइते ओठहरु।
पोहोर ढलेको धरहरा
त्यो न्यातपोल,त्यो कृष्णमन्दिर
कान्तिपुर नगरी
आस्था भरोशाका मठहरु
जुरुक्क उठ्नेछन् छिट्टै
र
मुस्कुराउनेछन् श्रीअन्तुको उदय सँगै।
मुस्कुराइ नै रहनेछन्
दोधाराका अस्त सम्म।

केबल आस्थामा
निहुरीन जानेका शिरहरु
झुकेनन् कहिल्यै
परचक्रिका आङ्गनहरुमा
न कहिल्यै नतमस्तक नै बने
साम्राज्यबादीका तोप र गोलाहरुमा।

अभिभाज्य नेपाली मनहरु
कथम कदाचित्
स्वार्थका नाराले बिथोलाउन खोज्छन्
बिखण्डनका कबिताले भजाउन खोज्छन्
परन्तु, सम्हालीरहेका छन्
अडिग छन् सगरमाथा जस्तै,
ती नाथे पराकम्पनहरु
आउन् न जति आएपनि
तर हामी र हाम्रा मनहरु
पैँठेजोरी खेल्न समेत तयार छन्।

अबिचलित मनहरु !
एकत्रित मनहरु !
हौशला र आँट सहित
नालापानीमा लडेका मनहरु
अझै ज्युँदै छन् भने
त्यो नाथे छिमेकीको
ढुङ्गे तगारोले  
के नै पो छेक्न सक्छ र?
कर्मठ छातीभित्र एकत्रित मनहरु
हाँसी हाँसी स्विकार्नेछ
लाखौं चुनौतिहरु !

किन कि
आस्थामा अडिग छन्
नेपाली मनहरु!
आस्थाले विश्वाश
विश्वाशले भरोशा
भरोशाले कर्म
र
कर्मले न्यायोचित सम्मान।।
-------
श्रीभक्त पौडेल ¨आफन्त¨
रामपुर चितवन
बुधवार,
बैशाख ८, २०७३ 

फेसबुक मित्र पार्वती डाँगी ज्युको मतला पच्छ्याउँदै

पसिनाको स्वाद मिठो, सागरको पानी जस्तो  

जिन्दगीको प्रगति,, छेपाराको कहानी जस्तो !! 

एता छेक्दा उता बग्छ,,, सावनको भेल पानी 

दुई दिनको जोवन,, उधारोको जवानी जस्तो !! 

न छहारी छ,, न छ बादल, न जूनेली रात मेरा 

न कोर्दा गजल बन्यो, विरहीको रुमानी जस्तो !!

लेख्न खोज्दा आँसु बग्छ, पत्ताहरु सुक्न थाले 

भिर मौरीको ब्यथा,, पर्देशिको बिहानी जस्तो !!

दिल खोलेर हांस्ने मन छ

गीत

दिल खोलेर हांस्ने मन छ,, खुशी कहाँं होलान्
उडाई लैजा बतास मलाई, खुशी जहाँं होलान्

धेरै भयो नहाँसेको,, एेनाहरु फुटे सरी
मनका भित्रका खुशीहरु, समयले लुटे सरी

दिल खोलेर हांस्ने मन छ, खुशी कहाँं होलान्
.
धेरै भयो नभेटेको,,, मन की रानीलाई
मजुरजस्तै नाची डुल्ने, बन कि रानीलाई

इन्द्रेणीका रंङ्गहरु,, चोरुँ  चोरुँ लाग्छ
बाटो हिंड्ने बटुवालाई,, सोधुँ सोधुँ लाग्छ

दिल खोलेर हांस्ने मन छ, खुशी कहाँ होलान्
उँडाई लैजा बतास मलाई, खुशी जहाँ होलान्