सतह मै हराएँ म

सतह मै हराएँ म

हो सतह मै हराएँ म 
र सतह मै खोजि रहेछु 
भेटिन आफैलाई अझ सम्म
सायद यस्तैहोला अनन्त सम्म 
कहाँ खोजुं म अब ?
उचाईंमा ?? 
शिखर आकाश र जुन तारा छेऊ ??
जहाँ कहिल्यै गैन र पुगेकै छैन !
मलाई थाहा छ  

कल्पना आचार्य पौडेल नानी

अस्तुरियास ओभिएदो 

स्पेन

म कुईनेटा गल्छेडा र उकाली लागेकै छैन 

थाहा भए सम्म 
ओराली र भन्ज्याङ्ग अनि चौतारीमा 
बास बसेकै छैन 
कहीं कतै कुनै खोल्सा 
तरेको पनि याद छैन 
तर म साँच्चै हराएँ 
सतह मै हराएँ म ! 
समानान्तर रेखाहरु झैं 
सिधा भएर पनि हराएँ म 
सायद 
समानान्तर रेखा अनन्त भएरै होला 
नत्र भेटिनु पर्ने 
खै त?
भेटिन 
दोबाटो चौबाटो 
दोभान त्रिबेणीमा 
भुलें कि भन्दा पनि 
खै? म कतै मोडिएकै छैन 
तर पनि म भेटिन 
र सतहमै खोजिरहेछु 
हो, म सतह मै हराएँ !! 
डर लाग्न थाल्यो 
कतै मलाई गणितले त घटाएन 
कतै मलाइ सुन्याले गुणा त गरेन 
तर गणित मेरो गन्तब्य होइन 
र पनि म हराएँ 
अनि खोजिरहेछु निरन्तर 
सिधा समानान्तर रेखाहरुमा 
सतहमा केवल सतहमा 
हो सतह मै हराएँ म 
र सतहमै खोजिरहेछु !!

गहिराई देखि डराउने मान्छे म
उचाईंमा डराउने मान्छे म
सागर छेउ जान्न म 
पहाड चढेकै छैन 
र पनि सतहमा हराएँ म

त्यसैले त अझै म 
सतह मै खोजिरहेछु 
म आफुलाई !!