गजल नचलाऊ तिर भन्छन्

असारको दुधिलो मकै, साउनको खिर भन्छन्
घाइते भएँ नजरले, सेल झिक्ने झिर भन्छन्।

जवानी देख्दा थुक निल्ने, लोभिपापी धेरै यहाँ
तिम्रोलागि छँदै छु म, नमान भो पिर भन्छन्

हत्केलामा रेखा खोज्नु, समयको बर्बादी रै'छ
भाग्य हुन्छ पाखुरामा, नठोक है शिर भन्छन्

यो झरिमा एक्लै भिज्दा, कठै! भन्ने टाढा भए
उहि मान्छे छिर्कने हान्दै, नजाउन भिर भन्छन्

छातीभित्र बिस्फोट हुँदा, संसार नै यो धुवांधुवां
आफुँ बोकि गोला बारुद, नचलाऊ तिर भन्छन्
...................
photo:google