संघियतामा पाउनु पर्छ

- श्रीभक्त पौडेल 'आफन्त'

मेची दुख्दा, कर्णालीले रुन पाउनु पर्छ
जनकपुरेले, धौलागिरी छुन पाउनु पर्छ

बागमती-नारायणी, रै'छन् दिदिबहिनी
महाकालीमा लुम्बिनिको, धून पाउनु पर्छ

कोशीका अर्नाले, राप्तीको पानी पिउँछन्
कालिकोटे, हुम्लाकाले, नुन पाउनु पर्छ

गण्डकीको पटुकीले, सेती-भेरी नाप्दै
श्रीअन्तुमा उदाएको, जून पाउनु पर्छ

सगरमाथाको लालीगुराँश, शेर्पिनीको शिर
चौधै अञ्चल नेपाली झैं, हुन पाउनु पर्छ