गजल कतै गुमनाम छु, कतै बदनाम हुँदैछु

कतै गुमनाम छु, कतै बदनाम हुँदैछु 
श्री हनुमान बिनाको, एक्लोराम हुँदैछु!!
  
पोल्छु कसैलाई त जलाउँछु कसैलाई 
नभै पनि नहुने,, भदौरे घाम हुँदैछु !!

खै के पखाल्छन् मान्छे देवघाट धाएर 
ती पापीहरु मात्र, धाउने धाम हुँदैछु!!

रोकिएनन् पराकम्पन आफ्नै जिन्दगीका  
थाकथलो थाम्ने बलो धुरी थाम हुँदैछु!!   

भो नपुर्याओ धुरीमा, जमिनमा नै छोड
तिम्रो सोच भन्दा फरक, म आम हुँदैछु !!