कस्तो हो यो राजनीति,

श्रीभक्त आफन्त पौडेल

· 

कस्तो हो यो राजनीति, दाममा बिक्ने
बदनाम नै किन नहोस्, नाममा बिक्ने

औकात देखाउनेहरु, छिनमा बदलिए
रातारात कुम जोड्दै, जाममा बिक्ने

फरक पर्दो रहेनछ त, सिद्धान्त कुहियो
पन्थी जतासुकैका हुन्, लाममा बिक्ने

बिक्नेहरु बिकीरहे, भाडाका टट्टुहरु ति
के बिहान के मध्यान्ह, साममा बिक्ने

फोहोरी हुँदा रहेछन्, रछ्यानका झिङ्गा
माछा माछा भ्यागुतो, खाली खाममा बिक्ने