मनको ढोका ढकढक्याएको थिएँ त्यो सुनिनौ
टाढा बाट दिएको ईशारा, कसरी बुझ्छ्यौ र ??
लत्याएर हिंड्यौ दुखीहरु मन्दिर जाँदै गर्दा
बुझ्दै नबुझ्ने त्यही पत्थर कसरी पुज्छ्यौ र ??
हात दिएको थिएँ दुई पाईला सङ्गै चलौं भनि
प्रेममा अपाहिस रहिछौ कसरी कुंद्छ्यौ र ??
नभन बिहान निन्द्रा परेन मलाई फिटिक्कै भनि
रात अर्कैको, सपनी अर्कैको कसरी सुत्छ्यौ र ??
मुखमा कालो पट्टी बाँधि स्वतन्त्रताको वकालत
भन यही समाज सङ्ग भोलि कसरी जुध्छ्यौ र
No comments:
Post a Comment