रित्ता रातहरु खुला आँखाहरुमा खोज

रित्ता रातहरु खुला आँखाहरुमा खोज 
बिछोडका गजल मेरा भाकाहरुमा खोज 

भेटिएलान् नभेटिएलान् प्रेम निशानीहरु 

मिलनका गीतहरु बनपाखाहरुमा खोज 

मैलिएनन् कतै पछ्यौरी न दाग नै लागे 
नउध्रिएका उनकै चोलीढाकाहरुमा खोज 

अभिभाजित मन आज टुक्राटुक्रा भयो 
नपत्याए मन मुटुका शाखाहरुमा खोज 

अपरिभाषित भयो जीवन प्रेम थाहाछैन 
कोर्दै गरेका जिन्दगीका खाकाहरुमा खोज