गजल

के मन के जमिन, मरेका देखिन्छन्
जिउंदैमा बैतर्णी, तरेका देखिन्छन् !!

सत्बिज होईनन्, यी सपना र पनि
शहरमा सपना, छरेका देखिन्छन् !!

उक्लेका उक्ल्यै ति,रहरहरु शिखरमा
गन्तब्य नै नचूमि, झरेका  देखिन्छ्न् !!

प्रतिस्पर्दा भए, जिउने कलाहरु आज
जिन्दगी संकटमा, परेका देखिन्छन् !!

भेटिन्नन् आफन्त, आफ़न्तिहरु माझ
वर डाक्दा झन् पर, सरेका देखिन्छन् !!

** साउन १३ २०७४, पल्लव ई साहित्यिक पत्रीकामा प्रकाशित गजल
* Pic own click 28 July Albir

गजल

हतास छ बतासलाई, छोएर गयो
सम्झनाका शुशेलीमा, रोएर गयो !!

धमिलीए पूराना,, पदचाप उनका
मैलिएका यी यादहरु, धोएर गयो !!

सकिन पच्छ्याउन, लागेनन् गोडा
पच्छ्याउँछ्स् कि अझै, सोधेर गयो !!


तितो बर्तमानमा, रमेन त्यो सायद
सुनौला किरणहरु नै, खोजेर गयो !!

मतलबी दुनियाँ, मतलबी भो बतास
सहज ति झ्याल ढोका, रोजेर गयो !! 

टिपन टापन

खर्चेर सारा शब्द मायाका गजल लेख्नेछु
बिर्सिएर दुखी संसार गित सरल लेख्नेछु
दुरीको आभास हराउछ यी तस्बिर देख्दा
बिश्वाश गर तिम्रा कबिता अविरल लेख्नेछु !!

बगानमा तिमी बस्दा फूल लजाए झैं लाग्छ
दर्पणमा तिमी हास्दा ऎना लजाए झैं लाग्छ
भोभो छोडिदेउ अब बाग बगैंचा घुम्न प्रिया
राती झस्स ब्युंझदा तिमीले चलाए झैं लाग्छ !!

तिम्रा दुई नजर झील झैं लाग्छ
धूकधुक छातीको दिल झैँ लाग्छ
ति ओठका के तारिफ गरुँ रेबि
रारा तिलिचोका डील झैं लाग्छ !!

गजल

मनको सुन्ने कि, दिलको साथि
नसोध कारण, खिलको साथि

जति पिडा हुन्छ, यो एकान्तमा
बिर्सन्छु म घाऊ, किलको साथि

इन्द्रेणीले देख्छ, घाम् पानी संगै
प्रितमा डुबुल्की, झिलको साथि

यादमा बाँचेको, तस्बिरमा रुन्छ
सम्झना टिलपिल्, डिलको साथि

ब्यथा कथा थुप्रै, अज्नबी शहर
पहाड नसम्झ, तिलको साथि !!

९ सावन २०७४, सोमबार
आल्बिर

प्यार बस्यो

नहुनु थियो उनको तस्बिरमा प्यार बस्यो
लजालु ति गाजलु आँखामा  यार बस्यो !!

अनौठो साहिनो गाँसियो घुमाउरो पारामा
निकै मुस्किल पोभो साथि दिलदार बस्यो  !!

सृंगारिक माहोलमा गजल कोरिन्छन् यहाँ
जहाँ बषन्त संग संगै मिठो बहार बस्यो !!

मोहित नजर उनका मृद मुस्कान उनैको
दुई बचन बोलि पल पलको त्योहार बस्यो !!

गजल

छ न त  छ नि सरकार, देशमा ??
छन् दरवारै दरवार,,,, देशमा !!

मेटिन्नन् ज्वाला, भोकको त्यसै
छ भाषणको ललकार, देशमा!!

चोरको हातमा, चाबी र ताल्चा
पर्खाल बिनाका, गजवार देशमा!!

झुटका फाँटमा, लुटका खेती
झुटले चल्दैछ, अखबार देशमा !!

उठेका थिए मुठी दबे झैं लाग्छन्
"बुद्धका आँखा", तरवार देशमा!!

लोलाए झैं लाग्छ्न् नजर

गित

लोलाए झैं लाग्छ्न् नजर
उन्का तस्बिरहरुमा
कहिले लाली कहिले गाजल
मधुर मुस्कानहरुमा !!

लोलाए झैं लाग्छ्न् नजर ....

सौन्दर्यताको मसि खसे
जून जस्तो मुहारमा
एउटा थोपा टल्किरह्यो
टिका बनि निधारमा !!

लोलाए झैं लाग्छन् नजर....

छातीमा टाँस्छु उन्का तस्बिर
एकान्तमा हिजोआज
हराए झैं हुन्छु आफैं
पिरतीको शहर माझ !!

लोलाए झैं लाग्छ्न् नजर ....

गजल दुरी चाहिएन

दिन्छ्यौ भने सितल बतास, भो हुरी चाहिएन
जुनी जुनिका साथमा हात, भो चुरी चाहिएन !!

धेरै सहें प्रहारहरू मैले, ताकत सकिए मेरा
मुस्कान देऊ बचन रूपि, भो छुरी चाहिएन !!

के गर्नु ??रित्ता महल मात्र, एकान्तमा तर्साउँछ
अंगालोको छहारी काफी छ, भो धुरी चाहिएन !!

धेरै भयो एक्लै एक्लै, बरालिएको जीवन यात्रा
देउ स्पर्श सहितको आभास्, भो दुरी चाहिएन !!

- श्रीभक्त पौडेल "आफन्त"
 रामपुर चितवन
हाल परदेश

Send to Pallaw e paper 

कसरी

ढल्दैछ रात,,, निदाउने पो कसरी 
घटाऊ जोड, मिलाउने पो कसरी

च्यातिए सपना, उध्रिए बिपनाहरु  
सियोमा धागो, छिराउने पो कसरी 

हाँस्नुपर्छ साथि, रुँदा रुँदै पनि अरे 
आँसुमा हाँसो, मिलाउने पो कसरी 

सकिंदैन है अब, पिएर भूल्न पिडा 
सुन्यमा सुन्यता, बिलाउने पो कसरी

गजल

हराएँ कति कति , महशुस जिन्दगीका
खोज्दैछु म आज, 'तखल्लुस' जिन्दगीका

स्वतन्त्रताको नाटक्, मन्चन हुँदै जहाँ
निषेध भए त्यहाँ, मनखुश जिन्दगीका

कसको के लाग्यो र, बैरी लागेपछि अब
लुटिए हेर्दा हेर्दै, 'सबकुछ' जिन्दगीका

मन्जुरीनामा बिना, असहज् सम्बन्धहरु
एका'एक च्यातिय, तमसुक जिन्दगीका

बादल् संझिएँ हिजो, कुहिरो झैं फ़ाटेपनि
ऊँडे सपना कठै, फूसफुस जिन्दगीका !!

भूल जिन्दगीको

फक्रनै दिएनन् समयले, फूल जिन्दगीको
कसोरी टक्टक्याउने खै, धूल जिन्दगीको!!

धरोहर ढलेको देखेँ, आस्थामा चोट पर्दा
आखिर किन टुट्दैछ त, पुल जिन्दगीको!!

मेटिए पदचापहरु, फर्किएर हेर्ने मन छैन
शायद सुधार्न सकिएन, भूल जिन्दगीको!!

दुखाई के हो सोध्नु, मेरा  घाऊ देखिन्नन्
बढ्दैछ छातीमा साथी, शूल जिन्दगीको !!

न एेन, न बिधान, न नजीर रह्यो यहाँ
तिर्नै नसकिने भो, महशुल जिन्दगीको !!