फक्रनै दिएनन् समयले, फूल जिन्दगीकोकसोरी टक्टक्याउने खै, धूल जिन्दगीको!!
धरोहर ढलेको देखेँ, आस्थामा चोट पर्दा
आखिर किन टुट्दैछ त, पुल जिन्दगीको!!
मेटिए पदचापहरु, फर्किएर हेर्ने मन छैन
शायद सुधार्न सकिएन, भूल जिन्दगीको!!
दुखाई के हो सोध्नु, मेरा घाऊ देखिन्नन्
बढ्दैछ छातीमा साथी, शूल जिन्दगीको !!
न एेन, न बिधान, न नजीर रह्यो यहाँ
तिर्नै नसकिने भो, महशुल जिन्दगीको !!
No comments:
Post a Comment