कल्पुको एक अर्को गजल

नसोध्नु भो जे जसो तसो, चल्दैछ जिन्दगी 

कहर र रहरको तेलमा नै,, बल्दैछ जिन्दगी ।। 

समयकै झेल होकि, भाग्यको खेल हो कुन्नी 
त्यही मैदानमा उठ्दैछ फेरी, ढल्दैछ जिन्दगी ।। 

न बेल पाक्यो न काग रमायो, घाम ढल्कीरह्यो  

फत्याक फुतुक्कै कर्कलो जस्तै, गल्दैछ जिन्दगी।। 

दोशपनि कसलाई पो दिनु, सबै आफ्नै लाग्ने  
हेर्नुस त आफ्नै छायाँले झैँ, छल्दैछ जिन्दगी ।। 

न घाऊ छन् न चोट देखिन्छन्, र पनि पिडा    
के भनुँ म 'कल्पु' आफैँसङ्ग, जल्दैछ जिन्दगी।।