भो खोज्नु पर्दैन त्यति बेला

हराई सकेको हुन्छु, भो खोज्नु पर्दैन त्यति बेला

देख्नु भयो कि कतै,भनि सोध्नु पर्दैन त्यति बेला!! 

भन्न् त कठोर छु भन्थ्यौ, मुहार लुकाएरै भएपनि 
कांतर भन्छ दुनियाँले,आँसु पोख्नु पर्दैन त्यतिबेला 

स्वतन्त्रता दिएं भन्छु म त, चाहना त्यही थियो   
मन लागेको गरेहुन्छ, मन रोज्नु पर्दैन त्यति बेला!! 
 
आउ भन्दिन कदापी, सपना र याद बनी रातमा  
टोलाई कहीं एक्लै, केही सोच्नु पर्दैन त्यति बेला!!  
 
भन्थ्यौ भगवानमा भरोषा भएन, भन म के भनुँ?
नास्तिक नै हौ भने, ढुङ्गा ढोग्नु पर्दैन त्यति बेला!!