मेची हाम्रो चाँदनी र दोधारा नि हाम्रै
मुगू सोलु, परासी त्यो बारा नि हाम्रै
यो टेकेको जन्मभूमि हुर्कीएका आङ्गन
ताप्लेजुङ्गका खुकुरी, बाजुरा नि हाम्रै
बर्दियाका फाँटमा नाच्ने मृग मजुर हाम्रै
स्वयम्भु र पशुपतिका सुनका गजुर हाम्रै
ईलामका चियाबारी,, तराईका उखुबारी
कान्तिपुरका मठमन्दिर सबै ए हजुर हाम्रै
खैंजेडी र मुर्चुङ्गा, मालश्रीका धून हाम्रै
श्री'अन्तुबाट देखिने चम्किला जून हाम्रै
काली गण्डकीका सालीकग्राम लुम्बिनिका पिपल
सम्झनुस् गोर्खालीले बगाएको खुन हाम्रै
श्रीभक्त पौडेल 'आफन्त'
रचनाकाल;भदौ २७, २०७९, सोमबार
स्पेन
No comments:
Post a Comment