त्यो सिउँदोमा सजाएको रातो भूलेर !!

कहाँ सम्म पुग्छ्यौ तिमी बाटो भूलेर 

तीनै मायापिरतीको चोखो माटो भूलेर !!

म वहीँ छु जहाँ तिमीले छोड्यौ सानु 
त्यो सिउँदोमा सजाएको रातो भूलेर !! 

के पायौ ती घुम्तीमा एक्लिएर जहाँ 
सङ्गै सुखदुख जिन्दगीका पाटो भूलेर !!

मलहम लिई आएकी भरिँदै घाऊहरु                           

नयाँ चोट किन दिन्छ्यौ खाटो भूलेर !

कहाँ सम्म पुग्छ्यौ तिमी बाटो भूलेर 

- कृष्ण शर्मा रेग्मी 

आन्त्वेर्पेन, बेल्जियम