.......भागेको ओली सरकार जस्तै

अभिसप्त छ यो मन आज, जलेको त्यो दरबार जस्तै 

खरानी मात्र देखिन्छ, बिग्रिएको आफ्नै घरबार जस्तै 

धारिलो छ वचन भन्छन् असर गर्दैन कोमल बोलिले 
संग्रालयमा झुण्डाईएका, मल्लकालिन तरबार जस्तै 

अट्न सकिन महलका साङ्घुरिएका कोठीहरूमापनि 
के पढ्नु, के बुझ्नु हुन्छ हेर च्यातिएको अखबार जस्तै 

असमर्थ भएँ, अनर्थ लाग्न थाले बोलिका हर शब्दहरु 
कसले सुन्ने जंगलमा ती घाईते शिंहका ललकार जस्तै    

सल्काई बैमनास्यताको आगो जताततै यो जिन्दगीमा 
कर्तब्यबिमुढ भयो भक्त भागेको ओली सरकार जस्तै