शराब पिएरपनि त म निदाउन सकिन

शराब पिएरपनि त म निदाउन सकिन 
जसरी प्रेमले उनलाई रिझाउन सकिन !!

फूलपनि भन्यौ तिमीले काँडापनि भन्यौ हिजो 
आज कहीं कतै ती कदममा बिझाउन सकिन !!

बदनाम गर्यौ खुलेआम कस्ता हुन् ती घमण्ड 
शिखरमा राखिरहें अस्तित्व गिराउन सकिन !!

क्यानभाषका तस्विर थिएनन् हाम्रा सम्बन्ध 
जे थिए यथार्थ थिए कुनै बात मिलाउन सकिन !!

सुन्दैछु विरहमा अझै तडपिन्छौ रे एकान्तमा 
हेर आफै हार्दा-हार्दै पनि जिताउन सकिन !!