सुन्छु म सरकार कै चाहत पुगेको छैन
भन्छन् बालुवाटार मै राहत पुगेको छैन
लर्खराउंदै बर्बराउंछ त्यै सत्ताको कुर्ची
होनि उसैलाई अझै तागत पुगेको छैन
के भेट्लान् र ती प्रदेशका महामहीमले
बिकेन्द्रीकरणमा नै कागत पुगेको छैन
भोक र आर्तनादले आक्रान्त छन् बस्ती
बस्तिमा पुग्नु'पर्ने खै लागत पुगेको छैन
के दोश दिनु र सधैं सरकारलाई मात्रै
दयाधर्म दान हामीमा अझै आदत पुगेको छैन
No comments:
Post a Comment