to add more creations

म चुप छु र त, तिमी बोल्दै छौ
मौनतामा किन, कहर घोल्दै छौ !
बन्द सन्दुकमा, मनका आबेगहरु
ब्यर्थका चाबी, घुसाई खोल्दै छौ !!
--------------------
सारा रात बेहोशीमा, निद बिहानीमा खर्च भो
दिन कवितामा, साँझ झुट कहानीमा खर्च भो
न मिल्छ हिसाब जिन्दगीको, न फर्स्योट साथी 
जति बचेको रहेछ त्यो सब, जवानीमा खर्च भो !!
.............................................
मनका बगानका गूलाबहरु 

ढकमक्क फक्रिएका बेला 

कस्तो हुन्थ्यो होला 

उनको आगमन? 

धेरै भयो खाली चुल्ठो राखेको पनि 

फूटेका गाला अनि सुकेका ओठ 

निकै तृषित छन् 

'गूलाब जल' प्रतिक्षित।। 

बलेशीं माथिको पूर्णेको जून हेर्दै 

प्रेमिल बातमा तीन प्रहर काट्ने चाहना 

  -----------------------------------------------------------------

न आगो न धुवाँ न त पानी भेटियो
केवल खाली खाली जवानी भेटियो

खण्डहरमा रात बिते, यी चिसा सपनी
न्याना निशा बिनाका, बिहानी भेटियो

डँडेलोको ब्यापार, पतझडको याममा
कसैले नबुझ्ने,आफ्नै, कहानी भेटियो

धेर थोर त चलेकै थियो, रुकावट थिएन जिन्दगीमा
हजुरबुवा भन्दै हुनुहुन्थ्यो, मिसावट थिएन जिन्दगीमा
धुलो मैलोमा हुर्किन्थ्यो सौन्दर्यता, न लालीका कवच
आजको जस्तो हिजोसम्म, बनावट थिएन जिन्दगीमा !!
------------------------------------
जे जे हुन्छन् यहाँ रातारात हुन्छन्
अङ्गालोमा नै धेरै अन्तरघात हुन्छन्
सत्ताको प्यास नमेटिने रहेछ कहिल्यै
त्यसैले त सरकार ढाल्ने बात हुन्छन्
बिर्सियौ जन हो? कुकुरका माझ हड्डी
हड्डीकालागि जिन्दाबाद मुर्दाबाद हुन्छन्
 किन कि यो नै राजनीति हो साथी
तबतब त महामहिम् बर्बाद हुन्छन्
--------------------

के शान्त बस्लान् र? सूनामी उठाउने सागर
किनारसम्म आई फर्कने, लहर जन्माएपछि 
हिजोआज न्युयोर्क र सिड्नीमा हाहाकार छ
देख्नु भयो नि बिज्ञानले, जहर जन्माएपछि
धमाधम स्खलित भए सुन्दर सपनाहरु यहाँ
असन्तुस्ट रहरहरुले नै, रहर जन्माएपछि