बिपना सुबेदी
काठमाडौं नेपाल
जीवन कोमल फूल जस्तै त रहेछ
जब हातमा लिन्छु
स्पर्श गरिरहु जस्तो लाग्छ
चुल्ठोमा सजाउँदा
घरीघरी एेना हेरिरहुँ जस्तो लाग्छ
सिङ्गो बगैँचालाई अङ्गालोमा
बेरिरहुँ जस्तो लाग्छ
फूलेको बोट टाढैबाट
हेरिरहुँ जस्तो लाग्छ
साच्चै नै यो जीवन
यही फूल जस्तै लाग्छ
कोमल अनि सौन्दर्यले भरिपूर्ण
आखिर यो जीवन फूलका रङ्गहरुले सजिय जस्तै लाग्छ
दु:खसुखका रङ्गहरु
उकाली ओरालीका सबनमहरुले सजिय जस्तै
दिक्दारी त केवल बहाना रहेछन् जीवनका
गूलाबका वरिपरी तिखा काँडाहरु जस्तै ।
निस्पात छन् फूलका पत्रहरु
मनका स्वपनिल रहरहरु जस्तै
नदिका सुन्दरता बगरहरु जस्तै
मन्दिरमा सजिए फूल ईश्वरको लागि
गलामा सजिए फूल आदरका लागि
आखिर जीवन अनि फूल
परिपुरक लाग्न थालेको छ
जीवन फूल रहेछ
अनि फूल जीवन रहेछ
No comments:
Post a Comment