गजल
खालि खालि भयो जीवन, सौन्दर्यता हराए कतै
लडेका सबै जिजीबिषा सक्छस भने उठाई लैजा !!
दबदबा छ दुनियाको, देखि सहन्नन मेरा खुशी
सिंगो लैजान अप्ठेरो लागे तनलाई जलाई लैजा !!
आकाशमा बादल देख्छु आकाशमै जून ताराहरु
धर्ति झरी टपक्कै, टिपी संग संगै, मलाई लैजा !!
हिजो एउटा जिन्दगी
सुनसान सड्कमा गुनगुनाईरहेथ्यो
आज देख्दैछु
आफुलाई चिनाउन
भिडमा चिच्याईरहेछ
सोच्दैछु, भोली कहाँ जाला?
एक्लै गुनगुनाउला वा
भिडमा चिच्याईरहला?
सडक एउटा गती अर्को
संघर्ष एउटा प्रगती अर्को
तालमेल नमिलेर
अन्त्यमा ती आवाजहरु
भित्र भित्रै स्वर मच्चाईरहेछ!!
तिमी एक सुन्दर गजल, बहर मिलेको
हेर न हेर दाँतका पंक्ती, लहर मिलेको
मोहक लाग्छन् दिनहरु, सपनीमा देख्दा
बिहानीमा मीठा मीठा, खबर मिलेको
केही संयोगले अन्जानमा,, भेट जुरायो
कता कता खै तिम्रो मेरो, रहर मिलेको
थाहा छैन कहाँ सम्मको, यात्रा तय भो
एकै चालमा एउटै कदम, डगर मिलेको
साथ नटुटोस हाम्रो, हात नटुटोस सदा
कसम! जसरी नदिलाई, बगर मिलेको
