केही कविता

'खुशी'

बिचार बिचार बिचका अन्तरद्वन्द
सोँचाई सोँचाई बिचका अभ्यासरत युद्ध
आखिर युद्धहरु नै त हुन्
जो कोही पनि जित्न चाहन्छन्,
बत्तिसङ्ग पुतली त हार्न चाहन्न भने
यहाँ कथित मान्छेहरु
कतै हार स्विकार्नै चाहन्नन्।
भन्छन् समर्पणमा खुशी मिल्छ
तर तत्पर नै हुँदैनन्
समर्पणका लागि,
अनि फेरी त्यही मान्छे
खुशीको लागि भौंतारिन्दै हुन्छ 
-------------

बिचरो कलम
आखिर बङ्ग्याई छाडे
बाङ्गा सोच भएकाहरुले
-------------------------
सोंच गलत
बिचार  गलत
अनि त्यो भन्दा गलत
दृष्‍टिकोण
सब गलत
ठीक त म मात्र रहेछु ।