गीत

रुने छैन छोडि जाने उनलाई सम्झिएर
बादलुले छेकेका ती जूनलाई सम्झिएर !!

टल्किएकाले धोका दिए आज जिन्दगीमा
ढुङ्गो निक्ल्यो कसी लाउँदा सुनलाई सम्झिएर!!

रुने छैन छोडि जाने उनलाई सम्झिएर !!

छोटो यात्रा साथ पाएं हांसी खुशी कट्यो
संङ्ग संङ्गै कसिएका ति धुनलाई सम्झिएर !!

छायाले त साथ छोड्छ रे  तिमी पर्यौ मान्छे
प्रेम पत्रमा पोतिएका खुनलाई सम्झिएर !!

बादलुले छेकेका जूनलाई सम्झिएर !!

गित

आखिर किन मिठो साथ छुटाएर गयौ
फक्रिएको लाली यौवन लुटाएर गयौ ।।

तिम्रै नाउँमा यो जिन्दगी बकपत्र दिएं
बिश्वाशघात नै मेरो लागि जुटाएर गयौ ।।

सपनाको घर भरोशाको जग बन्दैगर्दा
हाम्रो थियो शिशा महल फुटाएर गयौ ।।

आखिर किन मिठो साथ छुटाएर गयौ
फक्रिएको लाली यौवन लुटाएर गयौ ।।


के भूल थियो मेरो मायामा खोट भए देखाउ
जिन्दगीमा जिन्दगी कै साथ टुटाएर गयौ ।। 

आखिर किन मिठो साथ छुटाएर गयौ ??

मनमा छ त माया लुकाउँछ्यौ किन

मनमा छ त माया लुकाउँछ्यौ किन

नजिक् आई नजर झुकाउँछ्यौ किन ??

दुख्छ भन्ने थाहा छ आफ्नै मन मुटु
घरि-घरी आजकल् दुखाउँछ्यौ किन ??

टिल्पिलाएको देख्छु नजरका डिलमा
बहन देउ ति आसुँ छुपाउँछ्यौ किन ??

बिस्कुनसरी सपना मनका आङ्गनीमा
पिरतीको घाममा, सुकाउँछ्यौ किन ??

मनमा छ त माया लुकाउँछ्यौ किन ??

@डायरीका पन्ना बाट

मिल्दैन र पिउन?, कलकल ए साथी

मिल्दैन र पिउन?, कलकल ए साथी
प्यालामा छ तस्बिर, झलझल ए साथी!!

हुर्किएन जिन्दगी, जति हुर्कनु पर्ने
थोरै देउन बिन्ती, मलजल ए साथी!!

नपिय त भन्छौ, तर मन यो मान्दैन
कस्तो बस्यो जिब्रोमा, तलतल ए साथी!!

नसम्झाउ भो तिम्रा, आदर्शका बातहरु 
रुवाउने तिनै याद, पलपल ए साथी !!

नडुब्नु थियो डुबिसके, प्रेमका नदिमा
गहिराई भन्दा सकस, दलदल ए साथी !!

गजल

टाढा बाटै नमस्कार, ति शहरलाई आज 
हात् मिलाई छुराधस्ने, ति रहरलाई आज!!

मन्दिरमा त भेटिन्नन्, पन्चामृत कहाँ खोजुँ   
मिठो मानी पिउनुपर्ने, ति जहरलाई आज!!
 
छोडी आएँ घरआङ्गन, बालापन जहाँं बिते 
मात्सल्यमा जो बितेका, ति प्रहरलाई आज!!

कहिले काँडा कहिले फूल, पाइला चलिरहे 
'मित'मानें अन्जानका, ति डगरलाई आज!!

बैकल्पिक राजमार्गहरु, पछाडी नै रहेपछी 
आत्मसाथ गर्छ'आफन्त'ति बगरलाई आज!! 

तस्बिरहरुमा

खै के भेट्छु भेट्छु मैले, उनका तस्बिरहरुमा
दाग बाहेक भेट्दिन केही, जूनका तस्बिरहरुमा

बिरासीला लाग्छन् हिजोआज, सुगम सङ्गित पनि
उनका मुहार मात्रै आउंछन्, धुनका तस्बिरहरुमा

मौनतामा मुस्कुराएको हुन्छ, त्यो दर्पणपनि आज
रङ्ग उँडेकै हुन्छन् हिरामोती, सुनका तस्बिरहरुमा

kuro

नचाहेर नै आउन थाले हिजोका ति यादहरु
कतै मिठा कतै तिता मिलनका ति रातहरु

सम्झेर नै काउकुती के'के भए त्यही बेला
गुन्जिदै छन् आज अस्तिका ति सम्बादहरु

मदहोशीका ईशारामा बेहोशीका पाइला मेरा
कसैगरी रोकिएनन् ती जवानीका उन्मादहरु

न रोक्यो दुरीले न त रोके बन्धनहरुले नै
स्विकार्नेछौं मिली दुनियाँका तिखा बातहरु 

हर गल्ती स्विकारीए बत्ती निभ्दा अन्धेरिमा
किनफेरी आफ्नै लाग्छन् जवानीका बर्बादहरु 

उन्मादहरु

खै यी कस्ता उन्मादहरु
मनका कुनाकुना बाट
निस्फिक्री शुस्केराहरुमा
एकान्किका शुशेलीहरुमा
एक फरक अनुभुती अनि आभास सँगै
फुरुङ्ग छ आकाशे चङ्गा जस्तै
यो मन आज ।।
सम्हालिदा सम्हालिदै पनि
बेहोशीमा दौडिएका पाइलाहरु
बेजोड हुत्तिरहेका हुन्छन्
भावनाका छालहरु
चाहनाका किनार सम्म ।।
केही यौवनका मिठा चाहहरु सायद
अनि छातीका असहज डाहहरु सायद
सायद अन्जान शहरमा छोडेर आएका यादहरु
सायद जोवनका रहरमा छोडेर आएका यादहरु
चाहे बहानामा हुन् या चाहनामा
स्पर्श सहित या बिना स्पर्श नै
यी/ति सबै सम्झनाका तरेलीहरुमा
मन मुटु हुँदै चिप्लेटी खेल्दै छन्
यी अनौठा उन्मादहरुमा आज। 

सधैं छचल्किने, बैशालु प्याला उनका

छुँ छुँ लाग्ने, गूलाबी गाला उनका
सङ्गै हिँडु, सराबी चाला उनका 

कस्तो कशिस, उफ् त्यो मुहारमा 
अझै मोहकी, गाजल काला उनका

लुकाएकी छन् चाह, मनका दराजमा
कहाँँ होलान्?, चाबी र ताला उनका

सृङ्गार उनको मुस्कान, टिकी त्यो जून 
हेरिरहुँ लाग्ने, गलाका माला उनका

नपिएरै बेहोशी, पिए के हुन्छ कुन्नि
सधैं छचल्किने, बैशालु प्याला उनका

तिम्रा आसुँ पुच्छु भन्ने, यहाँ हजार भेटिन्छन्

तिम्रा आसुँ पुच्छु भन्ने, यहाँ हजार भेटिन्छन्
रगतको थाहा छैन, आँशुको बजार भेटिन्छन्

खुनले कोरिएका भेटिए, बेकारका सिमाहरु
उत्खनन् गर तराईमा, अझै पहाड भेटिन्छन्

नजानेर होला सायद, बशन्तमा फूल भेटिएन
भन्दै त थियो साथी, पतझडमा बहार भेटिन्छन्

प्यासी छु म स्वतन्त्रताको, सुख्खा नदिहरुमा
बम बारुद हतियारले भरिएका ईनार भेटिन्छन्

पर्खन्न खोलो फर्कन्न जवानी पर्खिएर बसे पनि
जिन्दगी जस्तै लमतन्न लाग्ने, किनार भेटिन्छन्

गैर बहर गजल

उनलाई छोएको बतासले छुँदा फुरुक्क हुन्छु
किन हो किन, उनी भने पछी हुरुक्क हुन्छु।। 

उमेरले नेटो काटेर, के भयो र ए! मित्र हो
कस्तो नशा अझै तस्बिर देख्दा जुरुक्क हुन्छु।।

न कहिल्यै नजर जुधे न मुस्कुराए ती ओठहरु
यो कस्तो अगाढ् प्रेम एकातर्फी धुरुक्क हुन्छु ।।

कैयौंचोटी बाटो छेकी प्रस्ताब राख्छु भन्दापनि
उनको आगमन सङ्गै, अन्तकतै लुरुक्क हुन्छु ।।
 
छाडेन साथी छाडेन, अझै जवानी उम्लनलाई
रती उन्मुक्तताको रापमा छिट्टै, भुलुक्क हुन्छु ।।