यो कस्तो मिठो आभाश हो

यो कस्तो अनौठो परिबेश हो
यो कस्तो मिठो आभाश हो 
जो छैन साथमा
उसैको एहशास भो,
उसैको आगमन,
उसैको स्पर्श 
नितान्त खुलै छन्,मेरा नयनहरु
न उ आएको देख्छु
न उ फर्किएको नै
र पनि चुपचाप सुनिरहेको हुन्छु
उनैका पदचापहरु,
खै यो कस्तो अनुभुति हो?
बिना हावा सुवास छरिन्छन्
शरीरमा काउकुती लाग्छ!
म अनि मेरो एक्लोपनलाई
जिस्काउँछ अनौठा सर्सराहटहरुले
यद्ध्यपी, यी मेरा सपना भने होइनन् !
फूलहरुले शुसेल्न थाल्छन्
जुनेलीले गुनगुनाउन
म मा उन्माद जागेर आउँछ
नपिएरै पनि मात मातेर आउँछ
मन मतमताएर आउँछ!
एति मात्र हो र साथी
भिडमा एक्लो र
एक्लोमा भिडको महशुस हुन्छ!
नकाबी मायालुहरुले छुन खोज्छन्
बेनामी प्रेमपत्रका खात लाग्छन्
भनिहालें नि
ब्युँझन मन नलाग्ने सपनाहरु
रात झनै छोटा लाग्छन्
न याद न परिकल्पना
र पनि म हराएको हुन्छु
एक्लैएक्लै मुस्कुराइरहेको हुन्छु 
के यो पगलपन हो?
होईन, यो आवारापन पनि त होईन
आखिर के हो,
किन यस्ता अनुभुतिले
चिमोटिरहेका हुन्छन् त मलाई?
कोमल चुट्किहरुले
निमोठिरहेका हुन्छन्
दुख्दैन कत्ति पनि कतै पनि
फुरुङ्ग छु म
पिन्जडा भित्रका
स्वतन्त्रताको आभासमा हुन्छु !
यो कस्तो अनौठो परिबेश हो
यो कस्तो मिठो आभाश हो 
-------------
फाल्गुण ५, २०७४ शनिबार
पेर्सेओ काइीए ५१
आल्बिर, स्पेन,