आफ्नो त जिन्दगी नै सधैं, चर्चामा साथी
छापिएला कुनै-दिन रङ्गिन, पर्चामा साथी!!
उध्रिए कैयौं ति सपनाहरु, धर'धर्ती यहाँ
न देखाउन सक्छु फिल्मी, पर्दामा साथी !!
सिपाही हुँँ म भन्थेँ, जिन्दगीका मैदानमा
पदन्नोती पनि भएन कुनै, दर्जामा साथी !!
खै कसरी भनुँ म यो, उधारको जिन्दगी
एेनकेन चल्दैछ मौखिक, कर्जामा साथी!!
जानिनजानी, पिउन पनि जानियो उहिल्यै
यो कस्तो लत बस्यो, सुर्ती-जर्दामा साथी!!
यो कस्तो लत बस्यो, सुर्ती-जर्दामा साथी!!
No comments:
Post a Comment