मृत सपनाका मलामी अनि त्यो घाट

घाटले पनि धान्नै नसक्ने भयो 
हरेक दिन मरेका सपना लिएर 
ओईरिरहन्छन् घाटमा घुइँचो बनाउँदै 
थाहाछैन जल्छन् या जल्दैनन् त्यहाँ 
जहाँ जिउँदा लाश जलेका हुन्छन्
मरेका सपनाहरु ।। 
अभावै अभावमा बाँचेका सपनाहरु  
चाहनै चाहनामा साँचेका सपनाहरु 
मुर्छित, अर्धमुर्छित सपनाहरु 
दुनियाँबाट लखेटिएका छन् 
मृत घोषणा गरेर,
नचाहँदा नचाहँदै तगारो नाग्दै 
निस्किरहेका छन् मलामीहरु ।। 
सधैं रुमाललिरहनु पर्ने घाट पनि 
न सुस्ताएको धेरै भयो 
घाट आँफै तिरस्कार गर्छ 
जिवित मलामीहरुलाई जसले
घाटलाई नै बोझिलो बनाएको छ 
धुवाँ-धुवाँ बनाएका छन् घाटलाई।।