१,
भेटिदैन मान्छेकै, तक्दिर कहाँ छन्
साच्चै भगवानको, मन्दिर कहाँ छन्
स्वतन्त्रताको आभाष,, हरायो साथी
वारपार गरायौ,,'लकिर' कहाँ छन्
बन्धनमा छौं सधैं,जन्जिर कहाँ छन्!!
२,
नमिठै भए'नि, बात मिठा
अँधेरै भए'नि, रात मिठा
खै केछ उनमा, थाहा छैन
सहेरै भए'नि, घात मिठा
बेहोशै भए'नि मात मिठा !!
३,
जिन्दगी झुर,, सपना चकनाचुर भएको बेला
नबोलाओ है मलाई, म एकसुर भएको बेला
म जस्तो छु जहाँँ छु, नबिथोल ए आफन्त मलाई
बिनै गल्ती सजायं,, मुटु थुरथुर भएको बेला
कसम यो छातीमा आगो, हुरहुर भएको बेला !!
४,
नास्तिक भएछु म,, राम बाट भरोशा हरायो
आखिर के रहेछ,, दाम बाट भरोशा हरायो,
वा तेरो त नामैमापनि, क्या दम छ यार भने
आज त झनै आफ्नै, नाम बाट भरोशा हरायो
छुनै छाड्यो नशाले, जाम बाट भरोशा हरायो !!
५,
घरीघरि रिसाउने उनको,, बानी मन पर्यो
रिशमा आँखाबाट बगाउने, पानी मन पर्यो
मन परेपछी पर्यो पर्यो, मनै त हो रहेछ
यो प्रेम हो जहाँ फाईदा हैन, हानी मन पर्यो
साँच्चै राजकुमारी भन्दा धेरै,, रानी मन पर्यो।।
धेरै पछी उनका, केही खबर आए थाहाछैन मनमा, कस्ता रहर आए !!
बेचेर सपनाहरु, मैले रात किनेको छु
होश लिलाममा राखी मात किनेको छु।।
नसोध प्रेमका परिभाषा,हारेको मान्छे म
मायां दिएर पो,,, बर्बाद किनेको छु।।
रोकें कैयौं सूनामी, आँसुका भेलहरु
ओढेर अभावका घूम, बर्षात किनेको छु।।
भुलेर भुल्नै सकिने, कस्ता यी यादहरु
छाती दुखेको निहुँमा, आघात किनेको छु।।
जल्न भनि पष्चातापमा, आगो किनेको छु
चुँडिएका चङ्गाहरुको मैले, धागो किनेको छु।।
x
