म त भन्छु मौनता नै, प्रेमका बाध्यतामा थिए
सायद त्यो प्रेम नै थियो!
नजर भुइँमा थिए, बुढी औंलाले जमिन कोतर्दै
मीठा नजानिंदा आभाष, थोरै मादकतामा थिए
सायद त्यो प्रेम नै थियो!
अभिवादन सङ्गै मुस्कान, स्वागत गर्ने नयनहरु
हार्दिकता जे जति थिए, ती सौहाद्रतामा थिए
सायद त्यो प्रेम नै थियो!
उनका ती ईशाराका बात, यो अबुझले बुझेन
बुझोस'नि कसोरी, सब नयनका नग्नतामा थिए
पश्चताप सिवाय केही छैन, रोएर हाँस्नु बाहेक
खोजेको कामुकता थिए, सारा भावुकतामा थिए
सायद त्यो प्रेम नै थियो!
No comments:
Post a Comment