छाती पोल्छ भत-भती, साह्रै भयो गाह्रो लौन
कता खोज्नु पानी अब, कता खोज्नु धारो लौन!!
झार्न खोज्छु निशाना चुक्छ, घरीघरी बल पुग्दैन
खुशी जस्तै देखिन्छन् है, त्यो टाढाको तारो लौन!!
हत्केलामा रेखै छैनन् रे, ज्योतिषेले टाउको ठोक्छ
भागमा छ उध्रेको डोको, भाग्य आफ्नो थारो लौन!!
कस्को गर्नु विश्वाश पनि, छायाले त साथ छोड्छ
छरी दिन्छन् आफन्त'ले, यी आँखामा छारो लौन !!
कति हतार हुन्छ यीनलाई, घाट पुगी फर्कनलाई
मर्या छैन भन्छु तै'नि, खोज्न थाले घारो लौन !!
No comments:
Post a Comment