गजल:रात सुस्तरी ढल्दैछ, तिमी हतासमा छौ

रात सुस्तरी ढल्दैछ, तिमी हतासमा छौ
मुटुका धड्कन सङ्ग, एक तमासमा छौ।।  

सिताम्य प्रहरहरुमा,, न्याना आभाषहरु   
ओढिरहेको दोलैं, भित्रको कपासमा छौ।। 
 
एस्तो लाग्छ एतै कतै छौ,एकै तकियामा   
ती आँखी झ्यालबाट, बहने बतासमा छौ।। 

कस्ताकस्ता अनुभूतीहरु, बिना स्पर्शका   
हो न हो हरेक,,,,, स्वप्निल मिठासमा छौ।। 

रोकिई केहीपल आलिङ्गनमा बिताउ प्रिया 
रात सुस्तरी ढल्दैछ,,,,, तिमी हतासमा छौ।।