required more edit

 भो आउने नगर सपनीहरुमा, हिजोआज मलाई रात मन पर्दैनन् 

दुई प्रहर समेत निदाउन नसक्ने साँझमा पिएको मात मन पर्दैनन् ,, 

रमाइलो लाग्छन् पतझड खडेरी, घरिघरि बर्षने बर्षात मन पर्दैनन् 

मोहित गजल

छाडेर ती प्याला, आउ म मा हराउ

नजर हुँदै मनमा, जाउ म मा हराउ।।

भूल्नेछौ सब् बाटा, निस्कनु पर्दैन
पुरिनेछन् पूराना, घाऊ म मा हराउ।।

न आउनु थियो  बाटो बिराई सक्यौ
ओठ चल्दा तिमी, गाउ म मा हराउ ।।

गूलामी सम्झ आफैं, आफैं महाराजा 
नराख् बाहिर ती, पाउ म मा हराउ।।

बिन्ती बिसाए, नलडाउ नजर अब
यी बाचा कसम, खाउ म मा हराउ।।

- कल्पना पौडेल आचार्य 

आफ्नो त जहाँं टेक्यो, उहिँ धराप भेटिन्छन्

आफ्नो त जहाँं टेक्यो, उहिँ धराप भेटिन्छन्

आशिर्वादको बदलामा पनि, सराप भेटिन्छन्!!

पिउँदिन भन्छु सधैं, परन्तु छाती रसाए पछि 
दबाई भनि जे ल्याएको, त्यही सराब भेटिन्छन्!!

कसोरी सहनु के अब त, अति नै भयो ए हजुर 
आफूँ परियो स्वतन्त्रताको पूजारी, दबाब भेटिन्छन्

न बुझ्छन् कसैले, न बुझ्न् खोज्छन् कोही आज 
सिधा सिधा स्वालका, घुमाउरा जवाब भेटिन्छन्!!

असफल भएको थिएँ, नामर्दीको टिका लाग्यो 
यो 'आफन्त'का आफन्तीहरु खराब भेटिन्छन् !!  

गीत गजल हानथाप छन् जिन्दगीमा

हेर्नुस् न हजुर निकै हान'थाप छन् जिन्दगीमा 

के भनु खै असिमित पस्चाताप छन् जिन्दगीमा !! 

छिरकने हान्नेहरुको भिड, तछाड मछाड उस्तै   
बोल्नु पर्ने मान्छे मौन चुपचाप छन् जिन्दगीमा !! 

मन्दिर धाईयो भोकै,, ब्रत् पनि बसियो परन्तु 
थाहै छैन धर्म के हो, पापैपाप छन् जिन्दगीमा !! 

छाती जल्छ हरहरी,,, हर रात छटपटी उस्तै 
सितल् खोज्न कहाँजाउँ रापैराप छन् जिन्दगीमा !!

प्याश मेटिएन कहिल्यै मृगतृष्णा यो'आफन्तको' 
छैनन् निर्जल ताल, मात्र'ढाप छन् जिन्दगीमा !!

हामी नेपाली छौं ।।

केही सवालहरु 

थुप्रै अनुत्तरित सवालहरु बिच 

फेरी केही सवालहरु  

सवाल पुरानै हुन् 

कि कमरेड् देश भनेको के हो? 

जय नेपाल हजुर!

देश भनेको के हो? 

सार्वभौम के हो?

अपरिभाषित युद्ध जस्तै 

यो गणतन्त्र के हो? 

त्यो राजतन्त्र के थियो? 

जोडा मिलाऊ र फरक छुट्याऊ जस्तै  

के यशियाली मापदण्ड र पञ्चशिल योजना हुन्? 

बिकास क्षेत्र र सङ्घियता के हुन्? 

ईतिहाँस झुट होइनन् भने

हैन भने फरक छुट्याऊ  

हिजोका बाईसी चौबिसी राज्य र 

अनि आजका गनपते राज्य बिच,  

ए हलो कमरेड जय नेपाल !!

खबरदार!

नभाग तिम्रा दस्तावेजहरु जस्तै 

हाम्रा सवालका ठेलिहरु छन् 

अनेक तिकडमहरु बिच 

आज अर्कै सवाल खडा छन् 

ए साच्चै 

फरक मत फरक झन्डा फरक ईतिहाँस 

फरकै फरक नितान्त पृथकता बोकेका 

तिम्रा हाम्रा उनका सिद्धान्तहरु बिच 

यो कस्तो गठबन्धन हो ?

केवल सत्ता साझेदारीको लागि?

लाज सरम त थिएन तिमीहरु सङ्ग 

आज किन झनै नाङ्गिएका छौ?

उदाङ्गिएका छौ?

के अपरिभाषित देश तिम्रा बिर्ता हुन्? 

तिमीहरुले चाहेको त्यस्तै सार्वभौम हुन्

खै त जनताको चाहनाका कदर?

के यी हामी जिवित जनता, 

तिमीलाई एक भोटका लागि मात्र हौं?

ए सरकार! 

के परिभाषित गर्न सक्छस् ?

सरकार भनेको के हो? 

आजको तँ तेरो सरकार 

र हिजोको हुकुमी सरकार बिच 

फरक छुट्याउन सक्छस्?

भोक रोग शोक 

अनेकौं अभाब दबाब र प्रभाव बिच 

कुन मापदण्ड् बिच 

कसरी देश (राष्ट्र) चलाऊँदै छस्?

एति भन्दे कि तँ कहाँ छस्?

थोरै भएपनि प्रत्याभूती देओ 

जुका रूपी लाजनिती दलहरु 

कि देश छ 

यहाँ सरकार छ 

यहाँ जनता छन्

कानुन छ 

न्याय छ 

कि समग्रमा 'नेपाल' छ 

हामी नेपाली छौं ।। 

--------------

श्रीभक्त पौडेल 'आफन्त'   

परदेशबाट 

यी रातका अन्धेरीहरु, ती जुनेलीलाई के थाहा

 यी रातका अन्धेरीहरु, ती जुनेलीलाई के थाहा  

(जो चन्द्र सङ्गसङ्गै आउने गर्छिन्)
बालपनका याद छुटीजाने सहेलीलाई के थाहा!! 

गोली छुट्छ बन्दुकबाट, निशानामा 'चरी' 
मट्याङ्राका चोटहरु, गुलेलीलाई के थाहा !!

भित्र भित्रै फूरुङ्ग छिन्,कसले रोक्ने उनलाई 
बाहिरी नकाव मनकी, उजेलीलाई के थाहा !!

रोई दिन्छन् बर्षि दिन्छन्, मन दुख्दा नजरहरु 
आँसुका स्वाद मिलेका, परेलीलाई के थाहा!!

बहहरु पोखिदिन्छु बनाई गीत कविता गजलमा 
ओठ चल्छन् एकान्तमा, सुशेलीलाई के थाहा !!
-------------------------

श्रीभक्त पौडेल आफन्त 
चैते दशै अस्टमी 
चैत्र २६,२०७८
शनिबार  
    

फायर आगो

अल गुर्खा फ्रन्टलाइनर्स 

बेगमा छौं हामी, गतिमा छौं 

नरोक पाइला हाम्रा, सहमतिमा छौं 

अर्ध सैनिक जत्थामा छौं , हामी समूहमा छौं 

मानव कल्याणकारी हितका लागि आरोह अबरोहमा छौं, 

निस्कँदै छौं हामी बारुण यन्त्र, पानीका फोहोरा बनेर 

जोश, जागर, उमङ्गका साथ, अबरोधका बिच पहरा बनेर।।  

बेगमा छौं हामी, गतिमा छौं 

अल गुर्खा फ्रन्टलाइनर्स सहमतिमा छौं 

यहाँ गाउँबस्ती बचाउनु छ,शहर बचाउनु छ 

मान्छे भएरै त मान्छेका, बाँच्ने रहर बचाउनु छ!!

मानव सेवामा बढेका हाम्रा, हर कदमहरु अब   

रोकिने छैनन् कदापी, घाऊ चोटमा मलमहरु अब

लड्ने छौं खट्ने छौं हामी अहोरात्र शान्ती शुरक्षाका लागि

छातीमा हात राखी, खाँदै छौं हर कसमहरु अब ।। 

निभ्ने छ डँढेलो निभ्ने छ आगो 

निस्कने छैन ज्वाला भिज्ने छ आगो!!

जन,बन, जल, जमिन साराका खातिर 

हुँदैछ 'अल गुर्खा फ्रन्ट लाइनर्स' शुरक्षामा आतुर!!      

प्राकृतिक प्रकोप, दैवी प्रकोप, चाहे सूनामी नै किन नहोस्

भोक, प्यास, निन्द्रा, मध्य रात चाहे, बिहानी नै किन नहोस् !!

बेगमा छौं हामी, गतिमा छौं 

नरोक पाइला हाम्रा, सहमतिमा छौं  

बाँच्न खोज्दा सधैं, यहाँ जहर भेटिन्छन्!!

नदी भन्दा पहिला, किन बगर भेटिम्छन् 

बाँच्न खोज्दा सधैं, यहाँ जहर भेटिन्छन्!!
 
भेटिदैनन् आफन्त, मात्र खुशी खोस्नेहरु 
छिर्कने हान्नेहरु, लहरका लहर भेटिन्छन्!!

सौन्दर्यता निख्रिएको, यो कस्तो जिन्दगी 
हेर्नु बाँच्नेभन्दा धेरै, मर्ने रहर भेटिन्छन्!!

जवानीलाई अचानोमा, देहलाई तरवार 
बन्द कोठा भित्र समेत, कहर भेटिन्छन्!!

रङ्गका कुरा गर्छ्यौ

हिजो'आज तिमी रङ्गका कुरा गर्छ्यौ

सारा पिडा भूलि उमङ्गका कुरा गर्छ्यौ!!

सोध्दिनौ हाल खबर, यो परदेशीको केवल आफ्नै अङ्गअङ्गका कुरा गर्छ्यौ ।।

समयका काडाले कोतरे देख्दिनौ घाऊ घरीघरी किन फूल"सङ्गका कुरा गर्छ्यौ!!

गुनगुनाईदेउ न मेरा पनि गीतहरु अब बेकारमा सधैं लय भङ्गका कुरा गर्छ्यौ।।

pic source: google

मनले भन्छ छोड्दे यार, ओठले भन्छ नजिक ले

सुख्खासुख्खा छ्न् अदर, जागेका छन् रहरहरु 

मौषम भए बेईमानी उसै,  मागेका छन् रहरहरु !!

कहिले सम्म कहाँ सम्म, भाग्नु पर्ने जिन्दगीमा 

सिमा कानुन बैद्ध अबैध्य, नाघेका छन् रहरहरु !!

मनले भन्छ छोड्दे यार, ओठले भन्छ नजिक ले

मन ओठका सुन्दा सुन्दा, थाकेका छन् रहरहरु !!

निहुँ नै त के चाहियो र?, एक्लोपनको बहानामा  

जता जता प्याला उतै उतै, भागेका छन् रहरहरु!!

पिरतीको डुङ्गा चढी,,, ढलपल गरौंला।

नमिले ठिकै कुरोमिले,, खलबल गरौंला 

चोखा प्रेमदिप बाली,, झलमल गरौंला।। 
 

केही तिम्रो सुन्छु, केही मेरो पनि सुन  

भेट्नआउ भोलि केही, छलफल गरौंला ।।

 

आधी दिन बेगनासमा, आधी फेवातालमा  

पिरतीको डुङ्गा चढी,,, ढलपल गरौंला।।

साँझमा साराङ्गकोटमा,, प्रे-माग्नी ताप्दै

देहले मागे ती स्पर्श,, पलपल गरौंला।।  

  

हुर्काउँला बढाउँला,,, मायालुका मूना 

जीवनका कोपिलामा,, मलजल गरौंला!!