Saturday, February 6, 2016

भेटिन्छन् भने कहीं ईश्वर्,'शूल' चढाउनु!!

माग्छन् भने भगवानलाई, फूल चढाउनु
होइन भने मनमस्तिस्का, धूल चढाउनु!
आस्थाविश्वाश मार्नुहुन्न, सास रहुन्जेल्
मान्छे हो गल्ती हुन्छ त्यां भूल चढाउनु!
धैर्यको नि बांधहुन्छ, टुट्न फुट्न सक्छ
सुक्न लागे हिम'शिखरका, मूल चढाउनु!
गाउँसुन्य बस्तीसुन्य, लास बोक्ने छैनन्
पर्देशीए हाम्रा ती युवाहरुको, हूल चढाउनु!
पराकम्पनले ज्यानलियो, पशुपतीको देश 
भेटिन्छन् भने कहीं ईश्वर्,'शूल' चढाउनु!!
------------------
माफ गर्नु होला त्यती साह्रै नास्तिक म भैसकेको छैन है

pic own house yard! 

Friday, February 5, 2016

यौन कबिता


'''''''''
चिसा रात, चिसै बिछ्यौना
भितो र रित्तो छामछुम गर्दा
तात्दैनन् जाङ्ग कुर्कुच्चाहरु
तातो मुस्लो छुट्छ छाती बाट
सुन्तला केस्रा चुसेर
छोक्रा निल्न पल्किएका
आफ्नै केस्राहरु झनै
सुख्खा लाग्छन्,,
खुईए !
देउचुली र बर्चुलीमा
चिप्लेटी खेल्ने रहर,
आफ्नै बोटका नासपती
भेट्नो निमोठ्दै
नखाएको पनि धेरै भएछ।
कस्तो सरसराहट हो
यो मन को ?
तिनिक्क
तन्ना नै च्यातिने गरी
मिठो अङ्गड्याइ!
यौवनका तरेलीहरुमा
जोवनका परेलीहरुमा
लुकामारी
नखेलेको पनि युगौ भएछ।
लुकामारी ??
हो नि लुकामारी नै त हो
अन्धेरी कुनाका
मिठी कुवाको पानी
बाबियो र गुमपाती
पन्छाउँदै
अहो नपिएको थुप्रै भएछ।
उकाली ओराली
तं तल म माथि
स्यां स्यां र फ्यां फ्यां
थाक्न मन नलागेको कहाँ हो र?
थकान मात्र?
होइन होइन
आँखा चिम्लिएर
त्यो लिङ्गे पिङ
न मच्चाएको कति भो नि?
लिङ्गे पिङ्गको पिर्का फुत्किंदा
ठोक्किएको यो घुंडो
अझै च्वास्स दुख्छ,
तर त्यो दुखाई,
सम्झिएर ल्याउंदा पनि
रात तातिएर आउन थालेछन् ।।  

नपरोस भन्न देशमा, संबिधान छैन

नपरोस भन्न देशमा, संबिधान छैन
पाईन्न खोजेर यहाँ जो, बेइमान छैन !

मन्दिर मस्जिद, गुम्बा ती चैत्य छाडी
ढोग्दैछौं हामी पनि, जहाँं भगवान छैन

मान्छे हौं मान्छे बाटै, घ्रिणीत हुँदैछौं
भन्दैछौं अझै, मानबता अपमान छैन !

मुर्ख छ दुनियाँ, धर्म लिलाममा राख्छ
त्यसैले त यहाँ, कतै पनि ईमान छैन !

चित्कार सुन्छौं, अभाब तस्करको दोहोरी
बढ्दो छ रोग अति, किन्तु निदान छैन ! 

Thursday, February 4, 2016

.......झैँ लाग्छ !

.....................................झैँ लाग्छ !

नानाथरी सपना बुनें, उध्रिए झैँ लाग्छ
ननीदाउने बानी अब, सुध्रिए झैँ लाग्छ !

उध्रिएकै बेश भन्छन्, नराम्रा ति सप्ना
आँफै सँग स्वप्नपरी, उफ्रिए झैँ लाग्छ !

टिप्न खोज्छु जून तारा, चाहनाका अंकुस्
मेरैलागि आकाश आज, कुप्रिए झैँ लाग्छ !

सधैं भरी साउन भदौ, हरियाली रोज्छु
मन्दलाग्ने दक्षिण हावा, सक्रिए झैँ लाग्छ!

ठडिए झै लाग्छ सामु, 'कल्पना'का महल्
जिन्दगीका सारा खुशी, थुप्रिए झैँ लाग्छ!

कस्ले सुन्ने कल्पनाको, यो मौन चित्कार


सङ्ला थिए नेपाली पन, किन धमिल्यायौ ?
अनेक बाद अनेक तन्त्र, ब्यर्थै अमिल्यायौ

लामो यात्रा तय थियो, यी डगर् अप्ठ्यारा
राजनितीमा च्याखें थाप्दै, धेरै अल्मल्यायौ !!

अगुवा ती बेइमानी हाम्रा, कुर्चीमात्र ताक्ने
भत्ता भ्रमण उपचारमा, ढुकुटी गुट्मुट्यायौ !!

दुश्मन चिर्ने पूर्खा'थिए, आज देश चिर्दैछौ
संघियता'को नाममा, सिमाना लुट्पुट्यायौ !!

कस्ले सुन्ने कल्पनाको, यो मौन चित्कार
मझधारमा डुङ्गा पुर्याइ, आँफै ढल्मल्यायौ !!
--
मेरा साहित्यीक मन मित्रहरुमा शुभपल , नमन 

Wednesday, February 3, 2016

बिर्सियौ कि सानु, एउटै घुम सँगै ओढेको

गीत

बिर्सियौ कि सानु,  एउटै घुम सँगै ओढेको
भदौरे त्यो झरिमा, सँग सँगै कोदो गोढेको!

सर्कायौ नि मोही मिठो थ्यो, थेबे मुलाको
मकै भटांस्, खाजा खांदा, कुमै जोडेको !

चरी भए उँड्थें आजै,पुग्थें तिम्रो गाउँ ऐल्यै
देउरालीमा, बाचा कसम्, ढुङ्गा जोडेको   !

कटुस टिप्थ्यौं तिंदु टिप्थ्यौं, बनगोठ जाँदा
कस्को दांत बलियो भन्दै, ओख्खर फोडेको !

सम्झनाले सताउंदा, मन रुन्छ पर्देशमा
सायद त्यो घुम फाट्यो, माया मोढेको !

२० माघ,२०७२ बुधवार 

'झड्केला'हरु धेरै भए, अंश खोज्दैछन्


गजल

'झड्केला'हरु धेरै भए, अंश खोज्दैछन्
निख्र्याएर पैत्रिक थलो, बंश खोज्दैछन् !

रावण पुज्छ त्यो लंका, हामी पूज्छौ शनी
सकिएको महाभारतमा, कंश खोज्दैछन् !

होशमा छन् कि बेहोशमा, मुखै भरी फिंज्
डसी भागी काली नागीन, दंस खोज्दैछन् !

अस्तित्व नै मेटाउंदैछन्, टेक्ने ठाउँ छैन  
खोतलेर आफ्नै चिहान, हंस खोज्दैछन्

बुधवार, २० माघ, २०७२, स्पेन 

आफ्नै घराँ राँको झोसी, आगो ताप्न पल्केका छौ

आफ्नै घराँ राँको झोसी, आगो ताप्न पल्केका छौ
त्वम् प्रभु स्वामी शरणम्, 'लालु' सँग सल्केका छौ !!
मधेषीको आन मान सम्मान, बिहारीको लंगौटिमा
आधा गाग्रो धमिलो पानी त्यसै त्यसै छल्केका छौ !!
अधिकारको कुरा गर्छौ कर्तब्य के हो 'क्या मालुम'
लाज छैन मधेस भन्दै,, त्यै यु पि तिरै ढल्केका छौ !!
जन्मस्थलो सीतामढी नागरीकता भने काठमाडौंको
लक्ष्मी सिता भ्रिकुटी बिर्सी "सबिता" सँ झल्केका छौ !!
केपो चिन्थ्यो हिरा हजुर यो आरान थाप्ने लोहारले
मन मुटु भने भारतीय 'नेपाली' हुँं भन्दै टल्केका छौ !!
-----------------------------------
अन्य कुरा तस्बिर आँफै बोल्छ!


Tuesday, February 2, 2016

हिजो'आज किन किन रात मन पर्छ


कल्पना आचार्य पौडेल 

हिजो'आज किन किन रात मन पर्छ
शिशिरमा झरेका तिनै पात मन पर्छ

जिउन जानें मतलबी,, यही दुनियाँमा
आफ्ना भन्नेहरुको त, घात मन पर्छ

भेटें दुधले नुहाएका, फोहोरी मान्छे
लाउंछन् भने लाउन,, बात मन पर्छ

नशा भन्छन् जिन्दगी, पिउन जान्नेहरु
आज भोली एकान्तमा, मात मन पर्छ

गौंडा कुर्छन् बेइमानी ढापमार्ने निहुंमा
जंघार'मा भेटिएका,,, हात मन पर्छ !!
----------
गीत कि गजल छुट्याउने जिम्मा साहित्यीक मनहरुको है !

Monday, February 1, 2016

बोल्दिन भो तिमी सँग, मेरै कुरा काटी हिंड्यौ

गीत
बोल्दिन भो तिमी सँग, मेरै कुरा काटी हिंड्यौ  
मेरै नाम बदनाम् गर्दै, कैयौं गाउँ ढांटी हिंड्यौ

सँगै जिउने सँगै मर्ने, बाचा'कसम सुन्दा मिठा
बैनादिएं पिरतीमा, ति झुम्काचुरा साटी हिंड्यौ

मैदान सम्झी मझेरी'मा, पिरतीको खामो गाड्यौ  
मक्याएर त्यो प्रेमखामो, नाना बात छांटी हिंड्यौ

त्यो क्षितीज र इन्द्रेणी झैँ, मेल थियो हाम्रो माया
चट्यांङ् पारी यो छातीमा, बादलु झैँ फाटी हिंड्यौ

सिँगै छनि यो दुनियाँ, जलाउन "आफन्त"लाई
पराईको अङ्गालोमा, रेशम् चुल्ठो बाटी हिंड्यौ

बोल्दिन भो तिमी सँग, मेरै कुरा काटी हिंड्यौ   

झरनाले प्याश मेट्छ, खारापानी समुन्द्रको

मच्चिएर आएपनि छाल्, सुस्ताएर जान्छन्
किनारमा भेटिएका'लाई, लत्याएर जान्छन्

पत्थरीला ती ढिस्काहरु, ढाल् बने छाल् रोक्न
कमजोर पात पतिङ्गर, हुत्याएर जान्छन्

झरनाले प्याश मेट्छ, खारापानी समुन्द्रको
त्यही भेट्न नदी आँफै, रित्याएर जान्छन्

आउने जाने ज्वार-भाटा, चन्द्र'सूर्य गतिहेरी
कहिलेकाही त हाम्रै खुशी, हत्याएर जान्छन्

दिक'दारीमा सागर छेउ, परपर क्षितिज हेर्छु
यस्तो लाग्छ छालहरुले, निम्त्याएर जान्छन्
------
तस्बिर आजको आफ्नै
(गजल जस्तै, कस्तो बन्यो? कुन्नी! मित्रहरुको सुझाब सल्लाहको आशामा )

आखिर मौनता नै सडकमा बिगुल भए

ती जो भुल थिए हाम्रा प्रिया फूल भए  हेर्दाहेर्दै मनका बगैचाका बुल-बुल भए रंग खोज्ने बहार, सुवास रोज्ने भंवरो  जसै आज अझै यी नजर चुलबुल भए  उ...