Monday, February 15, 2016

कि अचानो, कि दापमा खोज्नु मलाई

कि अचानो, कि दापमा खोज्नु मलाई
चौतर्फी बाट त्यै चापमा खोज्नु मलाई

नखोज्नु ब्यर्थै ती स्वतन्त्रताका पंखहरु
दबिएको छु, कर कापमा खोज्नु मलाई

चोखो छ दुनियाँ दुधले नुहाएकाहरु छन्
बदनामी गल्लीका छापमा खोज्नु मलाई

फूल्दैन फूल, बगर बालुवामा कहिल्यै
दब'दबे गढुवा, ढापमा खोज्नु मलाई

मन्दिर चर्च, मस्जिद, गुम्बा नधाउ  
धर्ममा पाउन्नौ, पापमा खोज्नु मलाई 

Sunday, February 14, 2016

चाहिएन गुलाब सानु, ओइलाएर जान्छ


---
चाहिएन गुलाब सानु, ओइलाएर जान्छ
पत्र पत्र खस्दै, त्यो त मुर्झाएर जान्छ !!
दिनेभए देउ सानु, अजम्बरी साथ तिम्रो
हाम्रो "माया", दुबो झैँ मौलाएर जान्छ !!
फूल देउ चैते दशैमा माघमा देउ घुम्टो
तिम्रा अघि मेरा नजर लोलाएर जान्छ !!
चकलेट हैन, डाली भरी चोखोमाया देउ
जिन्दगी त तस्बिर हेरी टोलाएर जान्छ !!
गुन्यु र पटुकीमा सजिन्छु तिम्रा लागि
बषन्तका ती कोइलीले बोलाएर जान्छ !!
(मसिहीका पर्ब हाम्ले मनाउनु छैन अब
यस्तै हो भने सँस्कृती, बौलाएर जान्छ!!)
**(अन्तिम दुई लाइन मैले कुनै पूर्वग्राही बिना मनमा लागेको र देखेको मनको भावना ब्यक्त गरेको मात्र हो! कसैको भावनामा ठेस लाग्छ भने अहिले नै माफि मांगे )
तस्बिर:गुगल!

बाँकी! त्यहाँ सब थोक हुनेछ

हवसका पूजारी प्रेमी हुन्छन्
भने, त्यहाँ प्रेम भोक हुनेछ 

विश्वाश भरोशा मिलन हुँदैन
बाँकी! त्यहाँ सब थोक हुनेछ 


उठ्दैन सूनामी बिना कम्प त
टिक्दैन माया एक झोक हुनेछ

डस्नेछन् गुलाब कै कांडाहरुले
नओइलाउँदै गूलाब शोक हुनेछ

स्वतन्त्र छन् पंक्षि आकाशमा
जमीनमा सधैं रोकतोक हुनेछ

सम्हाल आज बेफिक्री पाइलाहरु
नत्र सामुन्ने अंकुश नोक हुनेछ

नखेल कसैको मन भावना सँग
यही आफ्नो सुन्दर लोक हुनेछ !!

हवसका पूजारी प्रेमी हुन्छन्
भने, त्यहाँ प्रेम भोक हुनेछ

विश्वाश भरोशा मिलन हुँदैन
बाँकी! त्यहाँ सब थोक हुनेछ

धराप हुँदैछ माया

भरोसाको थाम बिना,,, धराप हुँदैछ माया
मोह भोक असन्तुस्टीको, सराप हुँदैछ माया

मुटु बेच्छन् तराजुमा मोल के हो थाहा छैन
हेर्नु सडकपेटी दोबाटोको अलाप हुँदैछ माया

बांच्ने आधार हुनेगर्थ्यो,, मायालुका यादहरु
कुना'काप्चा खन्डहरमा, सखाप हुँदैछ माया

ईशारामा बात हुन्थ्यो कबितामा प्रेम फुल्थ्यो
नजान्नाले प्रेमगीत आज, खराब हुँदैछ माया

शुशेलीमा बग्ने प्रित ओठहुँदै नजरमा बस्थ्यो
बाहिर जलप, भित्र खोक्रो नकाप हुँदैछ माया 

Friday, February 12, 2016

गुलाब होइन, कम्मल बांडे हुन्थ्यो


गुलाब होइन, कम्मल बांडे हुन्थ्यो
भोकमा खाने, अम्मल बांडे हुन्थ्यो !
फुटे कुर्कुच्चा चरचरी ठिग्रो धुलोले
बांड्ने नै भए, चप्पल बांडे हुन्थ्यो !
चाहिन्न महल, र चौरासी ब्यन्जन
हाइफाइ हैन, सिम्पल बांडे हुन्थ्यो !
नदेखाउ खोक्रो आडम्बर दुनियाँको
आफ्नै अनुहार सक्कल बांडे हुन्थ्यो !
अलिकती आगो, अलिकती न्यानो
सधैं कामलाग्ने अब्बल बांडे हुन्थ्यो !
(प्रणय दिवसको लागि नेपालमा लाखौंको गुलाब भित्रिदै छ - समाचार)
Like
Comment
Ruby Acharya, Sh
43 share 
409Shree Bhakta Paudel, Sharada Paudel, Bharat Acharya and 406 others

उठ्नेछ धरहरा

तस्बिर सर्जक मित्र लालकाजी लामा 



उठ्नेछ धरहरा,
जुरुक्क एकदिन
जब पोतिनेछन् रङ्गहरु
क्यान्भास हुँदै मनहरुमा
नाथे भूकम्पलाई चुनौती दिंदै,
देख्दैछु पूर्वका क्षितिज
स्वर्णिम बिहानी निम्त्याउंदै छ
कान्तिपुरिनगरी लाई नुहाउन
शान्ती र समृद्धीका किरणहरुले।
हरेक बिहानी भन्दा पृथक हुनेछन्
भोलिका बिहानीहरु,
किन कि कुचीहरु उठिसकेका छन्
रङ्गाउन हाम्रा धरोहरहरु।
आश्था विश्वाश भरोशा
डगमगाएका थिएनन्।
माटो र इंटका जिर्ण थुप्राहरु भात्किएका थिए,
हो नि लामो समय उभिएको धरहरा
थाकेर थकाई मारेको पो हो त,
तङ्ग्रिसकेको छ अब,
भरे भोलिमा नै उठ्ने छ
अनि उठाउनेछ
उ भन्दा कान्छा
धरोहरहरुलाई।
बिर्सनेछन् शहरबासीले
कि धरहरा आराम गरेको थियो कुनै दिन।
उठ्नेछ धरहरा,
नियाली हेर्नुस्
उठ्दैछ धरहरा
--------------
अस्तु,
श्रीभक्त पौडेल "आफन्त"
शुक्रबार २९ माघ, २०७२
रामपुर चितवन

धमिली कुवा छोडेर आयौ ईनारको खोजीमा
मझधार मै अल्झ्यो जिवन किनारको खोजीमा  

उठाऔं हाम्रा भिमसेन स्तम्भ अनेकौं धरोहर
पर्दैन धाउन कतै कुतुब् मीनारको खोजीमा

हीराफल्छ पौरख्गरौं बुद्ध लेखेको जमीनमा  
ए कति जान्छौ मरुभूमी दिनारको खोजीमा

Thursday, February 11, 2016

सोर्ह सृङ्गार


दोस झरिको
चिप्लायो आङ्गनमा
लेउ मायाको !!

जवानी बैंश
हेर्दैन दाँया बाँया
घात भयो रे!

के टुसाउंथ्यो
मायाका पालुवा खै
रूखो नजर !!

यसै न उसै
हिउँद त जाने भो
लगन खै त?

सोर्ह सृङ्गार
ब्यर्थै घसीछौ नानु
कसले हेर्छ ? 

धरो'धर्म, त्यो मन्दिरबाट राम हरायो


एक्लो भयो साँझ आज, जाम हरायो
हिजो सम्म भेट हुनेका, लाम हरायो

सम्हालेर राखेको थें छाती भित्र सखी
आज आफ्नै सखीहरुका नाम हरायो

खेत बाँझो स्वदेसमा युवा पलायन
पसीनाको मूल्य सहित् खाम हरायो

मजबुत लाग्थे विश्वाश आस्था अझै छ
कहाँ'कहाँ खोजौं? धरोहरका थाम हरायो

मन्दिर पनि खाली देख्छु धर्म बिक्रिमा
धरो'धर्म, त्यो मन्दिरबाट राम हरायो !!!

जनाब चाहिएन!!

गजल??
,,,,,,,,,,
ओईलाएर जाने, गुलाब चाहिएन
जीतहारको सधैं, चुनाब चाहिएन!!

घुंटनमा नै जिउनुपर्छ भने भोलि
आज राजकुमार, जनाब चाहिएन!!

स्वतन्त्र छन अझै, मनहरु मेरा
त्यसैले त भन्दैछु, दबाब चाहिएन!!

सिकीसकें म बांच्न, भरिपूर्ण छु
पिरतीको नाममा, अभाब चाहिएन!!

जिन्दगी एक 'दर्पण' हो भने प्रिय
आदर्शका बकबास्, किताब चाहिएन !!

Wednesday, February 10, 2016

निरमाया माकुरीको जाल बेग्लै छ

मुटु उही आज'भोलि चाल बेग्लैछ
ज्वारभाटा समुन्द्रका छाल बेग्लैछ

पारदर्शी छँदैछैन के भो के भो खै
निरमाया माकुरीको जाल बेग्लै छ

आफुँ रुँदा, सँगै रुने, एेना फुटेछ
बिनाचोट एेनाफुट्ने काल बेग्लै छ

सुसाउंदैन सालघारी साउन कता गो
पारीपाखा निन्याउरो ताल बेग्लै छ


हिजोजस्तो आजछैन यो आफन्तको
देख्नु हुन्न नशा सधैं हाल बेग्लै छ !!

Sunday, February 7, 2016

लिपुलेकका, टाकुरा रुंदैछन् !!

-------------------
सबल नेपाली यी हाम्रा, पाखुरा रुंदैछन्
ती जमरा झै दसैंका, आँकुरा रुंदैछन्
राजधानी ब्यस्त, उद्घाटन भोज भतेरमा
नुन छैन त्यो सुदुरपश्चिम, बाजुरा रुंदैछन्
पूर्वका चिया मिठा पश्चिमका घाँटु देउडा
दक्षिणका तोरी, उत्तरका साकुरा रुंदैछन्
कठै! ति आमा, जन्माइन हुर्काइन हिजो
आज आफ्नै मायाजालमा, माकुरा रुंदैछन्
हांसी राख्ने हिम'शिखर, डुलि राख्ने डाँफे
खोसौं लडौं लिपुलेकका, टाकुरा रुंदैछन् !! 

आखिर मौनता नै सडकमा बिगुल भए

ती जो भुल थिए हाम्रा प्रिया फूल भए  हेर्दाहेर्दै मनका बगैचाका बुल-बुल भए रंग खोज्ने बहार, सुवास रोज्ने भंवरो  जसै आज अझै यी नजर चुलबुल भए  उ...