कविता के हाम्रा खुकुरी भुत्तिएकै हुन्

 कविता

के हाम्रा खुकुरी भुत्तिएकै हुन्

के साँच्चै?
गोर्खालीका खुकुरी भुत्तिएकै हुन् त?
के वीर बलभद्रहरु थाकेकै हुन्?
कि जन्मिन छाडीसके यो देशमा
नालापानी र खलङ्गामा लडेका सपुतहरु?
के रामशाह का सालीक भत्केकै हुन्?
के न्याय बिकेकै हो?  
हैन भने पटकपटक
आफ्नो सार्वभौममा दुशमनहरु धावा बोल्दा पनि
किन मौन छ यो देश अनि सरकार?
किन नतमस्तक छन् देशका सिपाहीहरु?
बुद्धको बुद्धत्व लिलाममा राखेर
किन मौन छ लुम्बिनी आज?
हार्न नजानेको ईतिहास बोकेका नेपालीहरु
हटेर हैन डेटर लड्ने
नेपालीका शीरहरु किन झुकाइँदैछन्?
कतिसम्म दासत्वलाई स्विकार्छौ?
ए कथित राष्ट्र नेताहरु हो?
के यो देश केवल
तिम्रा बाद र तन्त्रका लागि
प्रयोगशाला हो?
देश भित्र बन्दुक बोकेर लड्ने
ए लाल सिपाहीहरु हो!
कहाँ छौ आज?
झापामा मान्छे काट्नेहरुको खुकुरी खै?
बेनी, म्याग्दीमा पड्किएका बन्दुकहरु
के खोलाले बगाएकै हुन् त?
टुक्रे महाराजहरु निदाएकै हुन् त?
सम्सदमा टेबल ठोक्ने थापाहरु      
बाटोमा एम्बुस थाप्ने भाईइहरु
आज कहाँ हराए ?
रगत उमाल्ने भाषण गर्ने नायकहरु  
भान्छा घरमै सिमित भए त?
धरणिधरका कविता बिर्स्यौ?
के पढाउछौ भोली छोरीलाई
मानचित्रमा हाम्रो अस्तित्वनै नरहे पछी?
आज पनि स्वदेशी मन र नजर नरोए पछी ?
कति बिदेशी लङौटीका झन्डा मात्र बोक्छौ?
के चन्द्र सुर्य अन्कित झन्डाले पोल्न थालएकै हो ?
हैन भने कहिले सम्म
काङ्रेस, कम्युनिस्ट, मधेसी बनेर बस्छौ
किन बन्न सक्दैनौ
एक नेपाली
एक गोर्खाली
ए हिजोसम्म
पहिचानका राग ओकल्नेहरु हो
कता हराए तिम्रा बुलन्दीहरु?
कहिले सम्म
कात्रा चोरहरुको पछाडी दौडन्छौ?
बाँकी रहेको थोरै सार्वभौम जोगाउनु छ
त्यसैले जुटेर उठौं
नेपाल नै नरहे नेपाली हामी कसरी रहौंला ??

जय नेपाल जय मातृभूमी
 
श्रीभक्त पौडेल "आफन्त" -

रमाइलो गजल

पटका त भेटिए ओस्सिएका गर्नु के साथी 
सलाईका काँटी मात्र खेरगए मर्नु के साथी

खर्क गोठ चाहार्नु बिंदी चहारें धितै मरेन
कुवा भेटिएन खाली मैदान चर्नु के साथी

मुलमा छु नजिकै मिठो पानीको नदि पनि
पानी चुहिरन्छ रित्तो गाग्रीमा भर्नु के साथी 

असमन्जस्यमा परे म त आधा बाटोमा छु
मझधारमा परें फर्कनु कि तर्नु के साथी 

केही ज्ञान त तँ सङ्ग पनि होलान् कि कसो   
भन्देन यार तैंले नैउक्लनु कि झर्नु के साथी

गीत req edit

सम्झाउ भन्छ्यौ घरिघरि तर 
तर पनि यो मन कहाँ मान्छ र 
तिम्लाई छोडी नजर कहाँ जान्छ र 

नलगाउ भो धेरै घुर्की ए सानु 
नहिंड भो धेरै तर्की ए सानु 
अनुमती बिना कसले तान्छ र 

तिमी मनकी मोती मेरी  
हृदय कि हिरा हौ  
हिरा मोती छाडी 
फलाम कसले लान्छ र

----

मन उड्छ एकतमासले साँझ परेपछी 

एस्तैएस्तै हुन्छ रे प्रेमका नदी तरेपछी 

कति पौडनु एकान्तका ताल तलैयाहरु 

भेटिए यी मिठा बतास पहाड चढेपछी 

नबनाउ दलदल मायाका सागरलाई 

शितल हुन्छ बेसी लेकबाट झरेपछी

----------

भन्दै गर्छ दुनियाँले हामी चल्दै गरौं जवानीको चुल्होभित्र दुबै जल्दै गरौं

अरे यार श्री, सम्हालिएर चल अब त

तँ त एक्लै छस झनै, पलपल अब त 
फुस्कँदै छ तेरै हातबाट तेरै बल अब त!! 

कति बोक्छस अझै दुनियाँका लङ्गौटीहरु 
फेरिहाल पूराना आशक्तिका दल अब त !!

नढांट आँफैलाई नजर जुधाएर बोल्नेगर 
छाड्दे पिउन गन्हाउने छि ढल अब त !!

ती दशै तिहार आएर पनि गैसकेछन् है 
खासै देख्दिन कतै चहल-पहल अब त !!

कति सम्झाउँ म आँफैले आँफैलाई लौन 
अरे यार 'श्री' सम्हालिएर चल अब त !!  

आँखाका गाजल, ओठका लालिका कुरा हुन्थे

आँखाका गाजल, ओठका लालिका कुरा हुन्थे 
बेप्रसङ्ग फेरी ती, कानका बालीका कुरा हुन्थे
 
साँच्चै! तारा टिपिन्थे जून छोईन्थ्यो त्यतिबेला 
खुला आकाश मुनी बसी बार्दलीका कुरा हुन्थे !!

खै कस्ता कस्ता हुन्छन् मायाका आभाश पनि 
ती एकान्त अन्धेरी रातमा चांदनीका कुरा हुन्थे !!

उघारिन्थे लाजका घुम्टा, हट्थे शरमका बादल 
नाई नाई भो भन्दाभन्दै मनोमानीका कुरा हुन्थे !!

अतित कोटिन्थे भविश्यको कसलाई चासो छ र
निर्धक्क केही प्रौढ केही जवानीका कुरा हुन्थे !!

ओठमा मौनता नजरमा आवाज भेट्छु

ओठमा मौनता नजरमा आवाज भेट्छु 

तिम्रा सामिप्यतामा मिठा आभास भेट्छु

साँघुरिए आखिर हाम्रा गोरेटाहरु आज 
हराउँछु म बन्द कोठामा आकाश भेट्छु 

ओठमा मौनता नजरमा आवाज भेट्छु 
दोश जे दिएपनि यो दुनियाँले आखिर 

बेचैन मन-भित्र अनेकौं  अन्दाज भेट्छु 

सम्हालिन्न मुटु हरेक बाबजुदमा पनि 
जताततै केवल संसार बर्बाद भेट्छु

गीत निस्कौं मुटु पिरतीको पातमा राखेर

पलभरका केही खुशी साथमा राखेर 

निस्कौं मुटु पिरतीको पातमा राखेर 

हराऔं दुबै मिली नजरका गहिराईमा 
चोखोमाया एकअर्काको हातमा राखेर 

बैँशालु जोडी भन्छन् दुनियाँले आज 
खुशी देखाऔं यौवनका मातमा राखेर 

नमिठो कसलाई मन छ मीठै बोलौँ न
जोवनका हाम्रा गीत हर बातमा राखेर

पलभरका केही खुशी साथमा राखेर 
निस्कौं मुटु पिरतीको पातमा राखेर

रित्ता रातहरु खुला आँखाहरुमा खोज

रित्ता रातहरु खुला आँखाहरुमा खोज 
बिछोडका गजल मेरा भाकाहरुमा खोज 

भेटिएलान् नभेटिएलान् प्रेम निशानीहरु 

मिलनका गीतहरु बनपाखाहरुमा खोज 

मैलिएनन् कतै पछ्यौरी न दाग नै लागे 
नउध्रिएका उनकै चोलीढाकाहरुमा खोज 

अभिभाजित मन आज टुक्राटुक्रा भयो 
नपत्याए मन मुटुका शाखाहरुमा खोज 

अपरिभाषित भयो जीवन प्रेम थाहाछैन 
कोर्दै गरेका जिन्दगीका खाकाहरुमा खोज 

गजल

रहरहरु सङ्ग खेलें
लहरहरु सङ्ग खेलें!!
 
यात्रा हो जीवन भन्दै 
डगरहरु सङ्ग खेलें!!

अमृत त कहाँँ पाउनु
जहरहरु सङ्ग खेलें!!
 
बग्न चाहन्थेँ नदी सरह 
बगरहरु सङ्ग खेलें!! 

भेटिएनन् साथी कतै 
शहरहरु सङ्ग खेलें!!
 
र पनि मर्दैन धित
कहरहरु सङ्ग खेलें!!

जिन्दगी जुवा पनि भने 
दहरहरु सङ्ग खेलें !!

अमृत त कहाँँ पाउनु
जहरहरु सङ्ग खेलें!!

- आफन्त 
रेइक्याभिक अाइसल्याण्ड
जुन 2018

नशा बन्यो जिन्दगी आज, जवानी पिउन धौ भो

तिमी आगो पिएँ भन्छौ यहाँ पानी पिउन धौ भो 
नशा बन्यो जिन्दगी आज, जवानी पिउन धौ भो
 
कस्ता निशा हुन्? सर्साहट, सीत सँगका बतास 
सिङ्गो रात पिएर बिताएँ, बिहानी पिउन धौ भो 

चोट पिडा बिर्सिसकेको बेला भो याद चाहिएन  
पिएँ सारा गीत गजल उफ् रूमानी पिउन धौ भो 

आँसु नसुहाउने नजर तिम्रा ओठका लाली लुके 
सम्हालेँ मुस्कानका मूल्य,रिशानी पिउन धौ भो
    

पक्का थिए प्रेमान्त्य कात्रा तय थिए!

तिम्रै गाउँको बाटोगरी यात्रा तय थिए  
भविश्यका भवितब्य जात्रा तय थिए!!

कहाँ मिल्छ भने जति माया मान्छेलाई 
केकति हो पाउने त्यो मात्रा तय थिए!!  

समयको खेल भन या घडीका पलहरु 
सुरुवातमै झुण्डिएका पात्रा तय थिए !!

धार फरक नदिका फरक ति घाटहरु  
पक्का थिए प्रेमान्त्य कात्रा तय थिए!

दशै तिहार गीत Bishnu Kshetri

(धुनमा )

 

चचहुई ,,,,चचहुई 

देउसीरे,,,, देउसीरे 

 

पहिलो कोरस 

सयपत्री फूलमा बस्यो भमरा

टिका निधारैमा कानमा जमरा  

दसैंँको घर आङ्गन तिहारका रात हजुर 

हे!आउनुस् मिली गरौं मिठा बात हजुर  

दशैंको मासु चिउरा तिहारका रोटी हजुर 

हे भट्याउन देउंशीभैलो एकै चोटी हजुर!!   

दोस्रो कोरस

मखमली फूलमा बस्यो भमरा 

टिका निधारैमा कानमा जमरा 

नेपथ्य कोरस   

आहै भन भन भाई हो देउँसीरे ......

आहै भन भन बैनी हो भईलीनी .....

बर्ष दिनको चाडबाडमा गाउँ घरै रमाईलो 

हे दसैंं तिहारमा वरै रमाईलो परै रमाईलो   

बिछडीएका साथी सङ्गी पूराना प्रित भेटिन्छन् 

मालश्रीका धुनमा दशैंतिहारका गीत भेटिन्छन्!!

अन्तिम कोरस  

मक्खमली फूलमा बस्यो भमरा 

टिका निधारैमा कानमा जमरा 

गजल पलभरका खुशीहरु

पलभरका खुशीहरु आज रहर बनेका छन् 
हर सपनाका घर आङ्गन बगर बनेका छन्!!

अतिरन्जीत नगर है, मेरा प्रेमका शब्दहरु 
कसैलाई सहारा कसैलाई जहर बनेका छन् !!

भग्नावेशमा हराए सारा पूराना प्रेम-पत्रहरु 
जीवन भूकम्पले पुरिएका शहर बनेका छन्!!

खै कसोरी सम्हाल्ने हो, सकस बड्दै गए
लुकाउँदा लुक्दैन आँसु, नहर बनेका छन् !!

नगर भो शान्त सौम्य सालीनताका कुराहरु 
यी मनका मौनता समेत कहर बनेका छन्!!

गीत/गजल duet धारिला ति नजर उस्तै

केटा 

जहाँँ जहाँं तिमीले डेरा सर्यौ ति शहर उस्तै 

के बयान गरुँ प्रिया धारिला ति नजर उस्तै 

केटी 

राग रती मादकतामा तिम्रा आँखा भरिएका 

बुझ्छु मैले तिम्रा छेड्खानीका ति रहर उस्तै

 

केटा 

कसोरी दोश दिउँ सौन्दर्यता त्यो उपमालाई  

नदिलाई पछ्याउने, प्रेमिल ति बगर उस्तै  

केटी 

वासनाका खेती गर्छौ सपनाका बिज छर्दै 

किनार आई फर्किने सागरका ति लहर उस्तै 

केटी

जहाँँ जहाँं तिमीले डेरा सर्यौ ति शहर उस्तै....

केटा 

के बयान गरुँ प्रिया धारिला ति नजर उस्तै

केटा

खुशी मिल्छ छटपटीमा छातीमा आगो बल्दा 

आउसङ्गै मिलीपिउँ अनुरागका ति जहर उस्तै 

केटी 

यो कस्तो दोधार हो निर्क्यौल भेट्नै नसकिने 

हिँड्दिन भन्दा दौडन पर्ने उफ् ति डगर उस्तै

केटी

जहाँँ जहाँं तिमीले डेरा सर्यौ ति शहर उस्तै....

केटा 

के बयान गरुँ प्रिया धारिला ति नजर उस्तै

  

तिमीले जस्तो अनुहार छोपेर हिंड्नु पर्दैन मलाई

               

               प्रकाश बाबु पौडेल 

                 काठमाडौं, नेपाल 

 

              

तिमीले जस्तो अनुहार छोपेर,हिंड्नु पर्दैन मलाई 

न पश्चतापमा जल्न,न रातभर रुनु पर्दैन मलाई !!

धोकाधडी त जान्दै जानिन, न अपेक्ष्या नै थियो  
त्यसैले त घात प्रति-घातमा, डराउनु पर्दैन मलाई!!

तिमीले जस्तो अनुहार छोपेर हिंड्नु पर्दैन मलाई
छोड्यौ साथ मझधारमा, नछोड्नु थियो हातहरु  !!

तिमीले जस्तै आँधीमा बत्ती जोगाउनु पर्दैन मलाई                                           लुकिलुकी कति हिन्ड्छ्यौ, दुनियाँसङ्ग भागी भागी  

कसले सिकायो धोका दिन भावनासङ्ग खेल्न अझै 

प्रेम बदनाम भन्दै आफ्नै गला गिड्नु पर्दैन मलाई !!

तिमीले झैं गुमनाम जिन्दगी, बिताउनु पर्दैन मलाई!!

तिमीले जस्तो अनुहार छोपेर हिंड्नु पर्दैन मलाई!!

गजल आजको'अंजुमन'

मेरा सृङ्गारमा गजल, लेख्नेहरु हो 
भित्री सुन्दरता देख्दै नदेख्नेहरु हो!!

मेरा सृङ्गारमा गजल, लेख्नेहरु हो 
 
नआओ आईन्दा अब यो बाटो गरी  
गहिरा नजरहरुमा जाल फेक्नेहरु हो !!

पापी दुनियाँका लोभी आँखाहरु उस्तै   
चोखा आङ्गन देखेपछि, टेक्नेहरु हो !!

के थाहा तिमीलाई आजको'अंजुमन' 
घरिघरी एकान्तमा बाटो छेक्नेहरु हो 

मेरा सृङ्गारमा गजल, लेख्नेहरु हो !!

के भन्नु र खै सखी उतार चढाव जिन्दगीमा

के भन्नु र खै सखी उतार चढाव जिन्दगीमा  
भाग्य र समयका अनगिन्ती दबाब जिन्दगीमा !! 

थाहै छैन के चाहन्छु म के चाहन्छन् दुनियाँ 
सब थोक छ र पनि अझै अभाव जिन्दगीमा !!
 
छर्लङ्ग छन् ती घामजून जस्तै लुकाएको छैन 
के छ र देखाउनु, सकिए रवाफ जिन्दगीमा !!

एता टाल्यो उता उध्रन्छ उता टाले एता हजुर 
साँच्चै लाग्छ के शनिराहुका प्रभाव जिन्दगीमा !!

छैनन् मीठा कहानी मेरा, न मीठा गीतहरु   
कति सुन्छौ सधैंभरी एउटै तनाब जिन्दगीमा !!

मेची हाम्रो चाँदनी र दोधारा नि हाम्रै

मेची हाम्रो चाँदनी र दोधारा नि हाम्रै  

मुगू सोलु, परासी त्यो बारा नि हाम्रै  

यो टेकेको जन्मभूमि हुर्कीएका आङ्गन 

ताप्लेजुङ्गका खुकुरी, बाजुरा नि हाम्रै  

बर्दियाका फाँटमा नाच्ने मृग मजुर हाम्रै  

स्वयम्भु र पशुपतिका सुनका गजुर हाम्रै  

ईलामका चियाबारी,, तराईका उखुबारी 

कान्तिपुरका मठमन्दिर सबै ए हजुर हाम्रै 

खैंजेडी र मुर्चुङ्गा, मालश्रीका धून हाम्रै 

श्री'अन्तुबाट देखिने चम्किला जून हाम्रै

काली गण्डकीका सालीकग्राम लुम्बिनिका पिपल 

सम्झनुस् गोर्खालीले बगाएको खुन हाम्रै 

श्रीभक्त पौडेल 'आफन्त'

रचनाकाल;भदौ २७, २०७९, सोमबार 

स्पेन  

गीत:कति बस्छौ माईतीघर जेलैमा

केटा 
कति बस्छौ माईतीघर जेलैमा 
आउन भेटौं दसैंंको मेलैमा 
केटी 
पाएसम्म को छोड्छ माईतीघर 
तिम्रोलागि को तोड्छ माईतीघर 

केटा 
धेरै भाथ्यो म गाउँघर नआको 
सानु तिम्रो केही खबर नपाको 
केटी 
फोन गरेनौ फोन नम्बर देको थें 
भेट्न आएनौ घर नम्बर देखो थें

केटा 
म तिम्रो तिमी मेरो जवानी सम्हाल्देउ 
घरमा भित्री साँझ बिहानी सम्हाल्देउ 
केटी 
सम्हाल्नुछैन कसैको घर कसैको जवानी 
जो मनमा बस्छ उसैको घर उसैको जवानी  

केटा 
कति बस्छौ माईतीघर जेलैमा 
केटी 
पाएसम्म को छोड्छ माईतीघर
केटा 
आउन भेटौं दसैंंको मेलैमा 
केटी 
आउँदिन भो दसैंंको मेलैमा   

गीत: जीवन दोबाटोमा मिल्किएसरी भो

जीवन दोबाटोमा मिल्किएसरी भो
यो छातीमा आगो सल्किएसरी भो !!

केही गल्ती भए होलान् पाप गरिन मैले 
त्यसैले त बिनाकारण पश्चताप गरिन मैले 

जिन्दगी कहानीमा भेटिएसरी भो  
लेख्दालेख्दै कथामा मेटिएसरी भो!! 

जिउँदो आभाश धुकधुकीमा भेटिन्छन् 
मायाका अनुभूति ढुकढुकीमा भेटिन्छन्!!   

आफ्नै बस्तीबाट लेखेटिएसरी भो 
आफुले आफ्नै गला रेटिएसरी भो !!

जीवन दोबाटोमा मिल्किएसरी भो
यो छातीमा आगो सल्किएसरी भो 

बदलियौ बादल जस्तै

परिवर्तन हुन्न भन्थ्यौ बदलियौ बादल जस्तै
हिजोआज भएको  छु, अर्ध पागल जस्तै ।।

हिजो सम्म तिमीले, ठोक्दैछ आज समयले
आखिर यो जिन्दगी दोबाटोको मादल जस्तै।।

न सोहोर्न मिल्ने न कोतर्न मिल्ने यी यादहरु 
लतपतिए तिम्रा ती आँखाका, गाजल जस्तै।।

निकै उन्नत जातको, मार्सी कि बासमती भन्थे
केलाउनु पर्ने भो, बियाँ मिसिएको चामल जस्तै।।

चाहना अधुरा सपना सपना रहे 'आफन्तका'
मौनतामा छु त्यो पूरानो, रातो आंचल जस्तै।।

  

त्यो सिउँदोमा सजाएको रातो भूलेर !!

कहाँ सम्म पुग्छ्यौ तिमी बाटो भूलेर 

तीनै मायापिरतीको चोखो माटो भूलेर !!

म वहीँ छु जहाँ तिमीले छोड्यौ सानु 
त्यो सिउँदोमा सजाएको रातो भूलेर !! 

के पायौ ती घुम्तीमा एक्लिएर जहाँ 
सङ्गै सुखदुख जिन्दगीका पाटो भूलेर !!

मलहम लिई आएकी भरिँदै घाऊहरु                           

नयाँ चोट किन दिन्छ्यौ खाटो भूलेर !

कहाँ सम्म पुग्छ्यौ तिमी बाटो भूलेर 

- कृष्ण शर्मा रेग्मी 

आन्त्वेर्पेन, बेल्जियम   

झुटै झुटका 'एहशास' देखाएको छु

छिट्टै आउंछु भनि आस देखाएको छु 

देख्दै नदेखिने, विश्वाश देखाएको छु 

कसोरी बाँच्ने पलपल यादमा भन त 
भन्दा जून तारा आकाश देखाएको छु 

चित्त बुझाउ है भन्छु मेरा तस्विर हेरेर 
तस्बिरमा आँफैलाई खास देखाएको छु 

बेईमानी पो बन्यो कि क्याहो आफन्त 
झुटै झुटका 'एहशास' देखाएको छु  

त्यही मौनताले धेरै नै,, बताएर गयो

अहो एक सरो बतासले मताएर गयो  
माया भन्ने के हो, थोरै जताएर गयो 

छोटो स्पर्श मिठामीठा अनुभूति छोडी 
जाँदा जाँदै त्यही मायाले अताएर गयो 

अनेक कुरा जिन्दगीमा बिर्सिएको थिएँ 
चिसिएका मन मुटु फेरी तताएर गयो  

केही मेरा पनि सुन, के भनेको थिएँ 
त्यही मौनताले धेरै नै,, बताएर गयो 

जे सुकै भन तिमीसङ्ग त, छाडा हुनेछु

जे सुकै भन तिमीसङ्ग त, छाडा हुनेछु

हरेक सम्मोहक मिलनमा, गाडा हुनेछु!!

चुम्नेछु हरेक अङ्ग-अङ्गमा, नछोडी कतै   

कहिले ओठ नजिक कहिले, टाढा हुनेछु!!

खोल्नेछु सर्टका टाँक, खोल्नेछु हुकहरु 

कतै कतै ग्यांटिस कतै म, नाडा हुनेछु !!  

उक्लनु ओर्लनु, तिमीले पनि गर्नुपर्नेछ 

समथर मात्र कहाँ हो र,? डांडा हुनेछु !! 

एेया भने भन, , दुख्यो भने पनि भन  

च्वास च्वासी घोचि'राख्ने, कांडा हुनेछु!! 

लेखिनुपर्छ है अझै केही कथा जिन्दगीका

लेखिनुपर्छ है अझै केही कथा जिन्दगीका 
रुने रुन्छन् हांस्ने हाँस्छन् ब्यथा जिन्दगीका!!
 
सकस भोगें, दकस भोगें, भोगें सुख दु:ख 
कसलाई किन लुकाउनु अब जेथा जिन्दगीका !!

रहर मरे सपना डढे तर हाँसो ओठमा ल्याई 
छन् छ न त अझै कति बाध्यता जिन्दगीका!!

मन मुटु सोच सारा, फोहोरका गन्जागोलमा 
कहाँ पाउनु 'गौतम, यहाँ सुद्धता जिन्दगीका !! 

against nepal banda

मित्र हो फेरी, बन्दका दिन आए                                                                                                                          सत्ता  बिलाशी  गन्धका दिन आए !!

बन्दुक गोली बारुद, समाउने कै                                                                                                                        राजनीति बे,-छन्दका दिन आए !!

पिटे जस्तो म गर्छु, तँ रोए जस्तो                                                                                                                        भाउजु र ती,  नन्दका दिन आए !!

छिछि बुर्जुवासङ्ग, रात्री भोज गर्दै                                                                                                                      बिहानी क्रान्ति, द्वन्दका दिन आए!!

पालै पालो उक्लनु छ शिन्हदरबार                                                                                                                          कथित विप्लवी, चन्दका दिन आए!!

दुबैतर्फ ओस्सिएका, जवानीका माग थिए

दुबैतर्फ ओस्सिएका, जवानीका माग थिए
माया मोह आकर्षण, सौन्दर्यका बाग थिए !!

रोकावट थिए आज ,देह मात्र केही टाढा  
नजर भरीभरी हाम्रा, रती अनि राग थिए !!

ईशारामा बात हुन्थे, ओठ टोक्ने बानी उन्को
के के भए भए अस्ति,गला भरी दाग थिए !!  

के छैनन् र उनीसङ्ग,? जस्तो खोजें त्यस्तै  
आली कान्ला बान्ना, समथर भू-भाग थिए!!
 
ज्वाला ओकल्ने नजर, परेला झनै धारिला     
न धुँवा न मुश्लो, निभ्दै ननिभ्ने आग थिए!!
 

गजल कतै गुमनाम छु, कतै बदनाम हुँदैछु

कतै गुमनाम छु, कतै बदनाम हुँदैछु 
श्री हनुमान बिनाको, एक्लोराम हुँदैछु!!
  
पोल्छु कसैलाई त जलाउँछु कसैलाई 
नभै पनि नहुने,, भदौरे घाम हुँदैछु !!

खै के पखाल्छन् मान्छे देवघाट धाएर 
ती पापीहरु मात्र, धाउने धाम हुँदैछु!!

रोकिएनन् पराकम्पन आफ्नै जिन्दगीका  
थाकथलो थाम्ने बलो धुरी थाम हुँदैछु!!   

भो नपुर्याओ धुरीमा, जमिनमा नै छोड
तिम्रो सोच भन्दा फरक, म आम हुँदैछु !!

त्यो नटखट त्यो उत्ताउलो जवानी मन पर्छ!!

नाइँ नाईँ हुँदैन भन्ने उनको बानी मन पर्छ 
त्यो नटखट त्यो उत्ताउलो जवानी मन पर्छ!!

म सुन्छु मज्जाले सुन्छु उनले जेजे भन्छिन् 

हुँदै नभएका, मन गढन्ते कहानी मन पर्छ!!

 
जिस्काउँछु छोई खेले झैं हाँस्दै हाँस्दै भाग्दा 
खै आँसु हुन् या ती आँखाका पानी मन पर्छ!!   

खेल्छौं लुकामारी हामी दुई लाजै लाग्ने गरी 
खेलमा म राजा उनलाई सधैं रानी मन पर्छ!!

थाहै छैन उनलाई, के मन पर्छ पर्छ सायद
चिसो न चिसो त्यो ढुङ्गाको सिरानी मन पर्छ!!

गजल: आगो उनी सङ्ग जल्नु मलाई परेको छ

आगो उनीसङ्ग जल्नु मलाई परेको छ 

प्रेम हो रे त्यो गल्नु मलाई परेको छ!!

घाईते भएँ म अपान्ङ्ग भएँ म भन्छिन्   
बिना बैशाखीमा चल्नु मलाई परेको छ!!

कसले रोके कसले टोक्ने उनलाई अब 
आखिर दुनियाँ छल्नु मलाई परेको छ !!

भन्थे प्रेम युद्ध हो यहाँ रोक-तोक हुँदैन  
बिना गोला बारुद् ढल्नु मलाई परेको छ!!   

बहाना भेटिन्छन् अनेक सम्हाल्दा सम्हाल्दै 
हरसाँझ एकान्तमा बल्नु मलाई परेको छ!!

आगो उनी सङ्ग जल्नु मलाई परेको छ  
  

एता उप्काई अन्त कतै किल्ला गाढिएछ !!

 
न याद न सम्झना उनको मन बांढिएछ 
अरु कसैसङ्ग सायद प्रेम डोरो बांधिएछ!!
 
कोमल लाग्थे ओठहरु मुस्कुराउंथिन् जब 
हेर्दा-हेर्दै हामी दुई बिचको दुरी टाढिएछ!!  

रोपेका थियौं मिलिजुली विश्वाशका सल्ला 
थाहै नपाई ती पिरतीका जङ्गल फांडिएछ!! 

मजबुत् लाग्थे अङ्गालो चोखा चुम्बनहरु  
कसोरी कुन्नि पराईसङ्ग नजर लाडिएछ!! 

खै कसोरी कमजोर भए मायाका पर्खाल 
एता उप्काई अन्त कतै किल्ला गाढिएछ !!

गीत- धारिलो छुरा गलामा राख्दा रेटिने रहेनछ

देखेका सपना चाहेका कुरा भेटिने रहेनछ 

के लेख्योलेख्यो भाबिले पनि मेटिने रहेनछ 

सम्हालें मनका कलम कापी लेख्नेछु भनेर 

भोगेका ब्यथा लेख्छु भन्दा लेखिने रहेनछ 

देखिने भए,भाग्यको रेखो कोतर्ने थिएँ नि 

जति नै ठुलो एेनामा हेरें देखिने रहेनछ

साँच्चै रहेछ हत्केलाले सुर्य छेकिने रहेनछ  

सजिलो रैछ है मर्छु भन्न मोहले छोड्दैन  

धारिलो छुरा गलामा राख्दा रेटिने रहेनछ 

 

मुटु दुख्छ भित्र कतै छातीको के दोश छ र

मुटु दुख्छ भित्र कतै छातीको के दोश छ र  

आफ्नो धर्म निभाउने घातीको के दोश छ र!!  

देउताले त वासना खोज्छन् मान्छेका के कुरा  

टिपिन्छ फूल मात्र गुमपातीको के दोश छ र!!

अन्धकारमा देखिने सारा जून तारा चन्द्रमा हुन् 

डर उब्ज्यो मन भित्रबाट रातीको के दोश छ र!!

खोक्रा आडम्बरले मलाई थिच्यो तिम्लाई थिच्यो  

मैले भूलें उसले बिर्सियो साथीको के दोश छ र!!