देशमा सरकार छैन EQ

के भन्नु छ र देशमा
सिंह दरबार निदाएको छ
सिंह दरबार छिरेपछि बनाएका
नेपाल खाल्डोका कैयौं दरबार निदाएका छन्,
त्यस दरबार भित्रका राजारजौटा
निदाएका त छैनन्, तर
निदाएको ढ्वाङ गरिरहेका छन्।
सानेपा दरबार मौन छ
कि भाग नखोसियोस भनेर
कुर्ची नतानियोस् भनेर,
बल्खु दरबार
दुनो सोझ्याउदै जाल बुन्दै छ
पेरिस डाँडा, लाजिम्पाट दरबार
निदाउन सकेका छैनन्
कि सिंह दरबार छिर्न नपाएर,

के भन्नु छ र देशमा
दैब ले त ठग्यो ठग्यो
स्वघोसित महाराजाहरु
दारा तिखारेर बसेका छन्
कात्रो तानेर सिरकमा खोल
हाल्न खोज्दैछन् सायद,
मृत्‍युको खबर गनेर बसेका छन्
लाज घिन र सरम पचेकाहरु
झन्डा फहराएर
कथित निरिक्षणमा निस्कन्छन्।

के भन्नु छ र देशमा
बस यती भन्छु,
देशमा सरकार छैन।
via comment in fb