आमा

आँचलमा लुकाइ राख्, भो दरबार चाहिन्न
तिमी हौ मेरो दुनियाँ, भो घरबार चाहिन्न

नहेर् रिषले कहिल्यै, लुकाएर त्यो मातृत्व
झुक्नेछु त्यो ईशारामा, भो तरबार चाहिन्न

काख मेरो शिम्हासन, राजधानी छ आँगन
हुकुम चलाऊ आमा!, भो सरकार चाहिन्न

वातसल्य भरिएको, सन्सार् अडिएको जहाँ
पढ्नेछु तिनै आँखामा, भो अखबार चाहिन्न

आमा हातको माम प्यारो 

----------------------------
अङ्गालोमा चन्द्रमा छिन
आज मलाई घाम प्यारो

यसुको यो आङ्गनमा छु
आखिर किन राम प्यारो

बोलाउँदै छ हिमाल´ले
देशको सधैं नाम प्यारो

बेर्न ज्युरिक् म्याड्रिड् भन्दा
काली गण्डकी धाम प्यारो

बालापनको याद्´ले होला
आमा हातको माम प्यारो