कहिले तिर बनेर
कहिले ईशारा बनेर
घाइते बनाइरहेका छन् मलाई
मुठा होइनन् भारिका भारी
थिचिरहेका हुन्छन् मलाई
एेंठन भन्दा बढी गाह्रो हुन्छ
हो,
जब म सुन्यतामा हराउन खोज्छु
बिगत बिर्सन खोज्छु,
बर्तमान बनेर चिमोट्न थाल्छन्,
आयात बनेर बर्षन्छन् कहिले
कहिले त्रि-भूज बनेर,
सरल भन्दा धेरै बक्र
समानान्तर भन्दा धेरै छेदक बनेर
घोचिरहेका छन्।
बन्द आँखा सामुन्ने
थ्री-डीका पिरामीडहरु
चुलिन थालछन्
चिच्याउँछु,अतालिन्छु
तर षड्कोण रुपी
अबरोधका ढिस्काहरु
ठेस लाग्न आई पुग्छन्।
ब्रित् को भूमरीले
धेरै तल लगेर बजार्दा
झसँग हुन्छु।
असिन पसिन हुन्छु,
हो आजभोलि मलाई
लखेटीरहेका हुन्छन्।
कति बेरङ्गी छन्
तिखालु छन्
बिषालु छन्।
भाग्य र हत्केलाका भन्दा
धेरै फरक छन्।
धर्साहरु
----------
२२ फेब्रुवरि,२०१५
०७:४५ साँझ
स्पेन
No comments:
Post a Comment