गजल धुवाँधुवाँ छ जिन्दगी

धुवाँधुवाँ छ जिन्दगी, तापने आगो छैन 

चुंडियो चंगा आखिर, गांसने धागो छैन 

तेरो र मेरो छ यहाँ, हाम्रो खोज्ने कहाँ 

सिमित अस्तित्व भित्र, नापने टांगो छैन 

सकिंदै छन् पहिचान, मेटिंदै छन रेखा 

भोली आफ्नै निधारमा, टासने पांगो छैन 

जांदैन मैलो निधार्´को, कोतरेर पनि 

निधार पखाल्ने पानी, थापने छांगो छैन 

कम्जोर नै छन नाता, विश्वाश टुटेपछि   

जोडिन्न पून: सम्बन्ध, थामने तागो छैन 

-----------------

तागो - जनै, रक्षा बन्धनको लागि प्रयोग हुने धागो