किन होला यी नजरले

किन होला यी नजरले तिमीलाई खोज्न थाल्यो
भेट्ने रहर मेट्न हो कि सबैलाई सोध्न थाल्यो

बितेका ती पलहरु को, सम्झनाले सताउदा
प्यारो लाग्ने जुनेलीका सपना नै रोज्न थाल्यो

आँखा छोपी झुक्याउने जिस्काउने बिछ्यौनामा
घरिघरी त्यही यादले यो मनमा घोच्न थाल्यो

परदेशको सुखी जीवन सोच्या जस्तो छैन होला
खै किन पापी मन्´ले अनेक कुरा सोच्न थाल्यो

किन होला यी नजरले तिमीलाई खोज्न थाल्यो
भेट्ने रहर मेट्न हो कि सबैलाई सोध्न थाल्यो