गीत मुना मदन झ्याउरे लयमा

स्वदेशी मनको बह

बिर्सने लाई सम्झेर क्यार्नु फर्केर आउँदैन

हिजो आज कोइलि ले पनि पर्खेर गाउँदैन .

बिर्सेंर बस्यौ मनको राजा समुन्द्रपारी गाउँ

खडेरी कस्तो आङ्गमा मेरो चर्केर लाउँदैन ..

न चिट्ठी पत्र न सोध खोज कसोरी भुल्यौ नि

बषन्त आई सुकेर फर्क्यो कस्कोमा फूल्यौ नि .

मंसिर् को धान लहमा लह खेतमा झुल्यो है

मनले भन्छ अर्कैको काख्मा कतापो झुल्यौ नि ..

कि फर्क तिमी कि माया मार म बाटो लाग्दै छु

सिन्दुर पोते यो तिम्रो नाउँको म साटो माग्दै छु .

यो छाती पोल्छ मुटुमा ज्वाला सम्झेर् तिम्लाई नै

कसोरी बाच्ने एक लै सधैं म बाटो लाग्दै छु ..

बिर्सने लाई सम्झेर क्यार्नु फर्केर आउँदैन

हिजो आज कोइलि ले पनि पर्खेर गाउँदैन ..