जय आधुनिकता
आजकल म चिन्तनको खोजिमा छु
या भनु एक यस्तो आदर्श शैलिको खोजिमा छु
कि यो समाजमा जिउन सकु ,बाँच्न सकु
बिरोध गरेको होइन, बर्तमान सामाजिक सिद्दान्तलाई
तर म आधुनिक ¨पाखे¨भएको छु, आजकल
नितान्त पुर्बिय सन्स्कार खोजेको पनि होइन
ना कि पश्चिमा अगाल्नु पर्छ म भन्दै छु।
लाग्छ एक भिन्न सिद्दान्तको नै प्रतिबाद
किन नगरु म कि
हे मान्छेहरु हो! यसरी जिय त्यसरी होइन
मुन्डल र कुन्डल त हाम्रो नै हो नि सन्स्कार
होइन र? आखिर को पछाडि त?
एक बित्ताको टुपिमा जुम्रा पालेका जगल्टेहरुको भिडमा
जब म पाखे कहलाइन्छु,नेपाली मन रोएर आउछ
चिच्याएर ,कराउन सोध्न मन लाग्छ उनैलाई,
खै के हो तिमीहरुको जीवन शैली भनेर?
सिलसिला बिनाका शैलिहरु
खोक्रो आडम्बरका मिज्जुहरु
आकाश तर्फ फर्केर थुक्दैछन्
भुकाइ र प्राथनामा फरक नदेख्नेहरु,
अझै सिकाउदैछन्, जीवन आदर्शहरु
सकेको छैन पछ्याउन, म भन्दा समाज
दुई कदम अगाडि चल्दै छ, म ढिला भए
होइन मेरा ¨स्क्रियु ढिला¨भए रे
आँफै अचम्ममा पर्छु,
आधुनिक पन्डित्याइ सँग,
हातमा लिएको चुरोट्को खिल्ली देखी लिएर
हफ्तामा फरक फरक ¨डेटिङ्¨ होस् या
आधुनिकिकरण सँगै आएको ¨कन्बेर्स¨
भाई भाईको चुम्मा चाटी
दिदी बहिनिको ¨माया¨
सबै सँग चल्न जानिन रे म,
यसमा मेरो के दोश छ ?
मेरो दिमागमा यसरी भरिएको छ,
कि मलाई यो आधुनिकता सँग रमाउनु नै छैन
मलाई चाहिएकै छैन,
यो उत्तर त दक्षिण प्रतिबादी सिद्दान्त,
त्यसैले म परिस्क्रित, मैले सोचेको जस्तो
एक सहजीकरणको जीवन सिद्दान्तको खोजिमा छु
¨द आर्ट अफ लिभिङ¨ भनेर डलरको खोजिमा होइन,
न ८० औ सताब्दिको ¨लिभ होम्¨ हिपिहरु नै
तर म अलिकती पाउछु,परिवर्तन, म भित्र पनि
¨बिच्¨ मा दारी पलाएका भाई सँग,
उस्को जिब्रो को स्वाद नलिए पनि
¨रेड लाइट्¨एरियामा घरकी लाई छाडेर
जब स्वछन्द रुपमा घुम्छु,
¨हेप्पी फ्राइ डे¨,मा
नजानिने संगीत र नबुझिने गीतमा झुम्छु,
यी सबै म गर्छु जानेर कि नजानेर
थाहा छैन तर डराउदै,
या यहाँ मैले भन्नै पर्छ
¨टु बी सोसियल¨
हो त्यसैले, हो त्यसैले
फ्रान्क्ली मैले भन्नै पर्छ कि
म खोजिमा छु,
निर्धक्क जीवन जिउने परीपाटीको
¨कन्क्लुजन¨(निचोड) आखिर एउटै छ
आधुनिक जिवन पद्दती
जहाँ तपाइ अट्नु हुनेछ
म अट्नेछु, इन फ्याक्ट
हामी सबै अट्नेछौ,
जय आधुनिकता !!
हर जम घट्मा एउटै केन्द्र बयान तिम्रै रङ्ग रुपको
