गजल

गजल

हिजो भन्दा आज फरक भए हुन्थ्यो नयाँबर्ष
आज भन्दा भोली फरक भए हुन्थ्यो नयाँबर्ष

फुल मात्र होइन परिवर्तनका घोच्ने काडा पनि
क्रान्ति भन्दा अलि फरक भए हुन्थ्यो नयाँबर्ष

आउँदा हङ्कङ बाट सुन भन्दा भोटबाट नुन बरु
काम भन्दा बोली फरक, भए हुन्थ्यो नयाँबर्ष

न्याय पाउन जनताले कानुन बनोस छिट्टै भनी
नाल भन्दा गोली फरक, भए हुन्थ्यो नयाँबर्ष

आज धेरै आशा धेरै विश्वाष नयाँबर्ष एकहतरको
आज भन्दा भोली फरक, भए हुन्थ्यो नयाँबर्ष