गजल (फरक फरक)

राम नवमीको मंगलमय शुभकामना सहित,,

गजल (फरक फरक)
----------------------
हरामको के कुरा गर्नु यहाँ कौडिमा बिके रामहरु 
मुहार हेरे उस्तै उस्तै फरक फरक लागे नामहरु

नामबताउछन सिता आफ्ना साँझगल्लिका नगरबधुहरु
वजन हेरे उस्तै उस्तै फरक फरक लागे खामहरु

बेइमानिको शहरमा इमान कहाँ पाईन्छ र हजुर
चिहाइ हेरे उस्तै उस्तै फरक फरक लागे लामहरु

साम दाम दन्ड भेद बुझी नसक्नु छन सिद्दान्तहरु
झन्डा हेरे उस्तै उस्तै फरक फरक लागे बामहरु

भोको बसी धर्म भन्दा डोको बोकी कर्म उत्तम
देउता हेरे उस्तै उस्तै फरक फरक लागे धामहरु