तीन मुक्तक

आफन्तका तीन  मुक्तक

दिलको धड्कन सुन्थ्यौ होला नजिक भएको भए
सँगै सँगै गुनगुनाउथ्यौ होला नजिक भएको भए।
जुनेली रातमा हात समाउदै बगान घुमेको अतित
त्यही कबिता सुनाउथ्यौ होला नजिक भएको भए।।

नजिक नै छु म तिम्रो दिलको पर्दा उघारी खोज
समिप मै छु म तिम्रो मनको पर्दा उघारी खोज।
गीत गाएकै छु कबिता सुनाएकै छु केबल तिम्रो
प्रितको अर्को नाम पर्खाइ होला पर्दा उघारी खोज।।

निर्दयीको बस्तिमा दया खोज्दैछु म
निर्मोहिको बस्तिमा माया रोज्दैछु म
सिसा हिरा/नचिनेर नै होला शायद
बिरहिको बस्तिमा साया खोज्दैछु म।।